Búgin Astanada Qazaqstan Respýblıkasy dzıýdo federasııasynyń Kezekten tys konferensııasy ótti. Konferensııa barysynda Qazaqstan dzıýdo federasııasynyń prezıdenti bolyp Qojamjarov Qaırat Perneshuly saılandy.
Konferensııada respýblıkalyq jáne oblystyq federasııalardyń ókilderimen ózekti máseleler, sonyń ishinde dzıýdonyń aımaqtardaǵy jaǵdaıy, elimizdegi dzıýdonyń damý jóninde máseleler talqylandy.
Konferensııaǵa QR Mádenıet jáne sport mınıstri Arystanbek Muhamedıuly, QR Ulttyq Olımpıada komıtetiniń bas hatshysy Danııar Abýlǵazın, Sporttyq jekpe-jek jáne kúsh qoldanylatyn sport túrleri Konfederasııasynyń bas dırektory Ramazanov Eldos Muratuly, QR Dzıýdo federasııasynyń damý jónindegi dırektory Ashat Jıtkeev, 2016 jylǵy Rıo Olımpıadasynyń kúmis júldegeri, Álem chempıony Eldos Smetov, dzıýdodan Álem Chempıony Maksım Rakov, Álem chempıonatynyń kúmis júldegeri Azamat Muqanov, dzıýdodan QR ulttyq qurama komandasynyń bas bapkeri Aıdyn Smaǵulov, jasóspirimder Olımpıadasynyń jeńimpazy Bekarys Sádýaqas, jasóspirimder Olımpıadasynyń kúmis júldegeri Margarıta Grısenko qatysty.
Jıyn sońynda jasóspirimder Olımpıadasynyń chempıony Bekarys Sádýaqas pen jasóspirimder Olımpıadasynyń kúmis júldegeri Margarıta Grısenko Dzıýdo federsııasynyń prezıdentine qurmet retinde kımono syılady.
Svetlana ǴALYMJANQYZY,
«Egemen Qazaqstan»