Áleýmettik qoldaý aıryqsha nazarda

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa Joldaýynda memlekettik-áleýmettik saıasattyń jańa ustanymdaryn jarııalady. Jyl saıyn halyqtyń áleýmettik áljýaz toptaryna jan-jaqty qoldaý kórsetilip keledi. Muqtaj azamattarǵa memleket pen qoǵam tarapynan keń kó­lemdi qoldaý bar. Bul máselege Atyraý aımaǵynda da basa nazar aýdarylady. 

Atap aıtatyn bolsaq, jyl basynan beri oblystaǵy jan basyna shaqqandaǵy ortasha tabysy kedeı­lik sheginen tómen turatyn 1732 otbasyndaǵy 9374 azamatqa 317 mln teńge mólsherinde jańa formattaǵy ataýly áleýmettik kómek berildi. Shartty aqshalaı kómek alýshylardyń arasynan 930 adam jumyspen qamtý sharalaryna tartyldy. Az qamtylǵan 743 otbasy kommýnaldyq qyzmetterdi tutynýǵa jumsalǵan shyǵyndaryn óteý maqsatynda 28,4 mln teńge kóleminde turǵyn úı kómegin aldy. Munyń bári Elbasy Joldaýynda aıtylǵandaı, memleket pen adamdardyń kúsh bi­riktirýiniń arqasynda ǵana Jalpyǵa Ortaq Eńbek Qoǵamyn qura alatynymyzdy anyq kórsetedi. Ol úshin kerek alǵysharttardyń bári bizde bar.

Az qamtylǵan otbasylaryna bir­jolǵy áleýmettik kómek kórsetý ba­ǵy­tynda 1285 otbasyǵa 87,1 mln teńgeniń kómegi berildi. Týberkýlez dertine shaldyqqan, ambýlatorııalyq deńgeıde em alyp júrgen 1017 adamǵa 118,5 mln teńge áleýmettik kómek kórsetildi. Sondaı-aq Azǵyr polıgon aýmaǵynda turatyn 242 múgedek adamǵa 6,4 mln teń­­­ge aı saıynǵy áleýmettik kómek berildi.

Elbasy Nursultan Na­zarbaev «Memleket pen bıznestiń áleý­mettik jaýapkershiligin qalyptastyrý – tu­raqty damý sharttarynyń biri» dep atap aıtqan bolatyn. Áleýmettik ja­ýapkershilik qaǵıdalary negizinde az qamtylǵan, qoǵam tarapynan qoldaýǵa muqtaj azamattarǵa kásipkerler de qolushyn sozyp otyrady, munyń ózi qoǵamymyzdyń birtutas damýynyń kepili deýimiz kerek. Az qamtylǵan azamattarǵa múmkindiginshe qoldaý kórsetýge jergilikti bıznes ókilderi belsene at salysyp júr. 

Atap aıt­qanda, halyqty áleýmet­tik qorǵaý or­gan­darynyń uıymdas­tyrýymen ót­ken jyldyń toǵyz aıyn­da oblys kásip­kerleri 133 saýda núktesi arqyly 2767 adamnan tura­tyn 692 az qamtylǵan otbasyn arzan­da­tylǵan baǵamen 6,9 mln teńgeniń azyq-túlik, kıim-keshek, mektep qural­dary taýarlarymen qamtamasyz etti. Sonymen qatar bıznestiń áleý­met­tik jaýapkershiligi aıasynda oblystyq ákimdiktiń bastamasymen kom­mý­nal­dyq qyzmetter kórsetetin «Atyraý­ener­­gosatý», «Atyraý jylý elektr orta­lyǵy», «Atyraý sý arnasy», «Aty­­­raý gaz ınvest» mekemeleri sııaq­­­ty jer­gilikti monopolıst kásip­oryn­­dar­­men jasalǵan memorandýmdar negi­zinde oblysymyzdaǵy az qam­tylǵan otbasylaryna 40% mól­she­rin­degi jeńildiktermen kom­mýnal­dyq qyzmetter kórsetilýde. Atalǵan kásip­oryndar oblysymyzdaǵy az qam­tylǵan 988 otbasyna jalpy somasy 3,2 mln teńge mólsherindegi jeńildiktermen kommýnaldyq qyzmetter kórsetti. 

Joldaýda eń tómengi jalaqy mól­she­ri 1,5 ese ósetini týraly aıtyldy, bul – 1 mıllıon 300 myń adamnyń tabysy artady degen sóz. Bıýdjettik meke­melerde jumys isteıtin 275 myń qyz­metkerdiń eńbekaqysy kóbeıip, orta eseppen 35 paıyzǵa ósedi. Osyn­d­aı basqa da jańalyqtarymen eldi qýantqan Elbasy Joldaýynyń sátti júzege asaryna senim mol.

Kóńilqos ORYSBAEV,

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary