Almaty qalasy Kásipkerler palatasy aǵymdaǵy jyldyń 9 aıyndaǵy jumys barysyn qorytyndylap, arnaıy baspasóz máslıhatyn ótkizdi. Palata basshylary jergilikti bıznes máseleleri, stıhııalyq bazarlar ornyna stasıonarlyq emes saýda nysandaryn salý, memlekettik satyp alý júıesindegi zań buzýshylyqtar, shaǵyn jáne orta bıznesti nesıelendirý, «Bıznesti qutqarý qyzmetin» iske qosý jáne de «Atameken» UKP basqa da jobalary týraly ózekti máselelerdi talqylady.
Qazirgi ýaqytta Almaty qalasynyń Kásipkerler palatasy jeti sala boıynsha 300-den astam kásiporyndy qujattandyrdy. Kásiporyndardaǵy kókeıkesti máseleler júıeli túrde anyqtalyp, onyń ishinde júkteme deńgeıiniń (56%-dan kem) jáne qarjy kózderiniń jetkiliksizdigi anyqtaldy. Búginde halyq tutynatyn taýarlar shyǵarýdy qarjylaı qoldaý kórsetýge baılanysty 20 óńdeý ónerkásibi anyqtalǵan. Úsh jyl ishinde saýda salasyna 240 mlrd teńgeden astam jekeleı qarjy salynǵan.
Almaty qalasy Kásipkerler palatasynyń dırektory Baǵdat Telebaıdyń aıtýynsha, aǵymdaǵy jyldyń shilde aıynda Kásipkerler palatasy kúrdeli máselelerdi anyqtaý maqsatynda qala bazarlaryna qujattama júrgizgen. Onyń barysynda bazarlardy jańartý jumystaryn júrgizýge menshik ıeleriniń qarajatynyń jetispeýshiligi men bazarlardy zamanaýı sıpatqa keltirý máseleleri anyqtalǵan. Osy turǵyda «Jibek Joly» óńirlik baǵdarlamasy aıasynda maqsatty qarjylandyrý máselesi kóterildi. Almaty qalasynyń Kásipkerler palatasy qala boıynsha jaqyn jerde saýda nysandary joq, sondaı-aq elektr jelisine qosylý múmkindigi bar jáne jaıaý júrginshiler kóp júretin 100 aýmaqty iriktep aldy. «SSN úshin 100 núkte» jobasy Almaty qalasy ákiminiń qaraýyna jiberildi. Aldaǵy ýaqytta stansıonarlyq emes saýda núktelerin 100-ge, keleshekte1000-ǵa deıin ulǵaıtý, jalǵa alý merzimin 4 jyl 11 aıǵa deıin uzartý, tikeleı jalǵa alý shartyn jasaý múmkindigin qarastyrý sııaqty máseleler jobanyń negizgi baǵyttary bolyp tabylady.
Almaty qalasy Kásipkerler palatasy О́ńirlik keńesiniń tóraǵasy Iýrıı Tileýmuratov Almatydaǵy bıznestiń ózekti máselelerine toqtaldy. Onyń aıtýynsha, bıznesti eń aldymen, kólik máselesi alańdatady. Atap aıtqanda, jol boıyndaǵy sary jolaqty aýmaqtarǵa toqtaýǵa tyıym salý, birqatar kóshelerdi eki baǵyttan bir jaqty qozǵalysqa baǵyttaý jolaýshy tasymaldaýshylary úshin birqatar qıyndyqtar týǵyzyp otyr. Sondaı-aq stasıonarlyq emes saýda nysandaryn bólshekteý, syrtqy (kórneki) jarnama, tarıf máseleleri sheshimin tapaı otyr. Osy oraıdaǵy barlyq ótkir taqyryptar óńirlik otyrystarda talqylanyp, oǵan memlekettik organdar men bıznes ókilderi shaqyryldy. Sonymen qatar, О́ńirlik Keńes negizinde salalyq komıtetter qurylǵan.
Bıznesti quqyqtyq turǵydan qorǵaý máselesine toqtalǵan Almaty qalasy Kásipkerler palatasy dırektorynyń orynbasary Aıtýar Qoshmambetovtyń aıtýynsha, esepti merzim ishinde kásipkerlerden 138 ótinish kelip túsken. Palata zańgerleriniń bıznes nysandaryna quqyqtyq kómegine oraı shamamen bir mıllıard teńge únemdelgen (negizsiz esepteý aıyppuldar men ósimpuldar, tólem jasaýǵa májbúrleý). Aıtýar Qoshmambetov sonymen qatar «Atameken» «Bıznesti qutqarý qyzmeti» jańa jobasyn tanystyrdy. Endigi kezekte týyndaǵyn máseleler boıynsha bıznes ókilderi 1432 nómirine qońyraý soǵyp, ózderin alańdatqan suraqtar boıynsha ótinish bildire alady. Joba boıynsha kásipkerlerge keńes berip qana qoımaı, qajet bolǵan jaǵdaıda mobıldi top jedel kómekke shyǵyp, bilikti mamandar dáıekti keńester beretin bolady. Astanada iske qosylǵan pılottyq joba aıasynda mobıldi toptyń quramyna Ulttyq palata, prokýratýra, sybaılas jemqorlyqqa qarsy organdar, IIB jáne TJD qyzmetkerleri kiredi.
Al servıstik qyzmetterdi sıfrlandyrý baǵytynda bıznes ókilderi úıde otyryp-aq maman keńesine júgine alady. Iаǵnı, onlaıyn arqyly tolǵandyrǵan suraqtaryna jaýap ala alady.
Almaty qalasy Kásipkerler palatasy apparatynyń basshysy Nurlan Qabyshtaevtyń aıtýynsha, aǵymdaǵy jyldyń 1 tamyzyna deıin býhgalterlik jáne salyqtyq esepke alý, kedendik rásimder, marketıng, zańtaný máseleleri boıynsha konsýltasııalar men qyzmetter, aqparattyq tehnologııalarǵa qyzmet kórsetý, memlekettik-jekemenshik áriptestik, sondaı-aq jobalardy súıemeldeýdi bıznesmender Kásipkerlerge qyzmet kórsetý ortalyǵyna habarlasyp, menedjer-keńesshilerge júginý arqyly alǵan bolsa, endigi kezekte ótinishter onlaın rejımde services.atameken.kz portalynda qabyldanady. Osyǵan oraı eki jarym aı ishinde 2478 almatylyq onlaın rejımde ótinishterge jaýap alǵan.
Elvıra Serikqyzy,
«Egemen qazaqstan»
ALMATY