Temirtaý qalasynda turǵyn úı kezeginde turǵan 90 otbasy baspanaly boldy, dep habarlaıdy «Habar 24».
Jaldamaly páterler bıýdjettik mekeme qyzmetkerlerine, jetim balalarǵa jáne áleýmettik jaǵynan az qamtylǵan januıalarǵa úlestirildi. Bul – sońǵy bes jylda quryshty qalada salynyp otyrǵan alǵashqy úı. Jergilikti bılik ókilderi qańyrap bos qalǵan ǵımaratty «Nurly jer» baǵdarlamasy boıynsha az ýaqytta qalpyna keltirip, muqtaj jandardyń qajetine jaratty. Deı turǵanmen, shaharda úı kezeginde turǵan áli de 6 myńǵa jýyq adam bar. Sondyqtan bıyl munda taǵy eki birdeı kópqabatty úıdiń qurylysy bastalmaq.
Jańyl Aldanyshqyzy, Temirtaý qalasynyń turǵyny:
– Úı kezeginde 2008 jyldyń jeltoqsan aıynan bastap turdym. 10 jyl kúttik. Osy kúnge deıin úı jaldap turdyq. Qýanyshtymyz.