Bul jaıynda oblys boıynsha fılıalynyń dırektory Dáýletbek Nyǵmetov málim etti.
- О́ndiristi óńir elimizdegi temir jol boıynsha júk tasymalynyń 33 paıyzyn oryndaıdy. Jyl saıyn kúz, qys aılarynda áleýmettik mańyzy bar kómir, qatty otyn, un, astyqty tasymaldaý kólemi artady.
Júk tasymaly óńirlik bóliminiń bıylǵy jylǵy júk tasymalynyń kólemi 66 mıllıon 986,7 myń teńgeni qurady. Jyl basynan beri kómirdiń 55 mıllıon 887 myń tonnasy tıelgen. Bul kólemniń 14 mıllıon 202 myń tonnasy eksporttalsa, 41 mıllıon 685 myń tonnasy elimizdiń elektr jáne jylý stansalaryna jetkizilgen.
Byltyrǵy jylǵa qaraǵanda kómir tıeý kólemi bıyl 1 mıllıon 810 myń tonnaǵa artqan. О́ńirdegi stansalarǵa 24 mıllıon tonna kómir jóneltildi.
-Qazirgi jylytý maýsymyna Jylý elektr ortalyqtaryna qarasty qoımalaryndaǵy kómir qory Energetıka mınıstrligi bekitken normatıvterge qaraǵanda 1,5 esege artyq, - deıdi Dáýletbek Nyǵmetov.
Sonymen birge, kúndelikti tutynatyn turmystyq janar-jaǵarmaıdy tasymaldaýdy úzdiksiz júrgizý maqsatynda da naqty sharalar qolǵa alynýda.
Farıda BYQAI
«Egemen Qazaqstan»
PAVLODAR