Ashyqqandy toıyndyrý úlken saýapty is sanalady. Almatyda turmysy tómen turǵyndardy tegin tamaqtandyrýǵa arnalǵan ashana ashyldy.
Aptanyń bes kúninde taryqqandar úshin esigi aıqara ashyq bolatyn tamaqtaný ortalyǵy jomart jandardyń muryndyq bolýymen, sondaı-aq Almaty qalasy Ortalyq meshitiniń qoldaýymen ashylǵan. Ázirge ashana kúnine 120 kisini qabyldap, 3 mezgil tamaqtandyrýǵa qaýqarly. Muqtaj jandar munda kelýi úshin Ortalyq meshittiń janyndaǵy «Yqylas» qaıyrymdylyq qaýymdastyǵynan arnaıy talon alýy qajet.
«Almaty Ortalyq meshitiniń uıymdastyrýymen «Ýaqyp» ashanasyn ashýdy jón kórdik. Bir ǵana demeýshi kisi kelip, óziniń aty-jónin aıtýdy qup kórmedi. Talon qarny ash, biraq ystyq tamaq ishýge múmkindigi joq kez-kelgen jaǵdaıy tómen otbasyǵa beriledi» deıdi Almaty qalasy Ortalyq meshitiniń naıb ımamy Ermek Kókirekbaev.
Tegin ashana shahardaǵy Seıfýllın dańǵyly men Radıshev kóshesiniń qıylysynda oryn tepken. Munda bir márte aýqattanǵan adam sol kúni qaıta kelip tamaqtanýyna da bolady. Tek qolynda talony bolýy shart.
Arman OKTIаBR,
«Egemen Qazaqstan»
ALMATY