Ilkimdi ister

Atal­ǵan isterdiń keıbirine toq­tala keter bolsaq, bıyl óńir­de balalarǵa arnalǵan tegin IT synyptar ashý jobasy boıyn­sha irgeli ister qolǵa alyndy. Búginde bul synyptarda myń­daǵan oqýshy tálim alyp júr. Belgili bir bó­ligi skrach-baǵ­dar­lamalardyń bi­rinshi mo­dýlin aıaqtady. Bul ba­ǵytta Aqtóbe polıtehnıkalyq kol­ledjiniń bazasynda mobıldik baǵyttar boıynsha mamandar ázirleıtin IT ortalyqtarynyń qyzmeti nátıjeli deýge bolady. 

Sońǵy eki jyldyń ishinde óńirde partııa músheleriniń qa­tary 7000 adamǵa tolyq­ty. Bul rette nur­otandyqtardyń sapa­lyq qasıetine de basa kóńil bó­liný­de. Aıtalyq, ótken jyly par­tııa fılıalyn sapalyq tur­ǵydan jańǵyrtý máselesi kóte­rilip, soǵan sáıkes partııa uıym­darynyń sany 442 den 261-ge deıin qysqartyldy. Munda qolǵa alynǵan jobalardyń biri – «Ardagerlerdi ardaqtaıyq» dep atalsa, osy sheńberde Uly Otan soǵysyna qatysýshy 50 arda­gerge jáne 6000 tyl eńbek­keri men soǵys ardagerine te­ńes­­tiril­gen tulǵalarǵa syı-qurmet kór­setildi. 

Partııa fılıaly Memleket basshysynyń Joldaýynda kór­setilgendeı halyqtyń ál-aýqa­tyn kóterýge baǵyttalǵan bas­tamalarǵa udaıy uıytqy bolyp júr. Taǵy bir aıta ke­ter­lik másele, «Nur Otan» par­tııasynyń óńirlik fılıaly mektep ashanalarynyń jumysyn júıeli jolǵa qoıý úshin «biryńǵaı tamaqtandyrý kombınaty» atty qanatqaqty jobany qolǵa alǵan-dy. Buǵan baılanysty óz oı-pikirin «Nur Otan» partııasynyń hatshysy Ilıa Terenchenko óńir­ge kelgen saparynda bylaı­sha jetkizdi: «Sapaly da, qu­narly, dárýmenderi mol ta­ǵam jas jetkinshekterdiń den­saýlyǵy jaqsy bolýyna negiz qalaıdy. Bul rette partııanyń Aqtóbe oblystyq fılıaly eks­perımenttik iske bastamashy bola bildi. Ony respýblıkanyń ózge óńirlerine taratý máselesi Aqtóbedegi alǵashqy synaq-táji­rıbeniń negizgi nátıjelerine baılanysty bolmaq». 

Fılıal tóraǵasynyń orynbasary Darıǵa Esmaǵambetova partııanyń bastamasymen qol­ǵa alynǵan árbir jobany júzege asyrýǵa «Rýhanı jańǵyrý» baǵdar­lamasynyń ekinshi kezeńi sony serpilis bergenin aıtyp berdi. 

Búgin de kúni fılıaldaǵy il­kimdi ister odan ári jalǵasýda. 

Temir QUSAIYN,

«Egemen Qazaqstan»

AQTО́BE