Úshinshi márte úshtikten kórindik

Almatyda aıaqtalǵan álem chempıonatynda qazaqstandyq dopty hokkeı sheberleri qola júldege qol jetkizdi

«Medeý» muz aıdynynda dopty hokkeıden ótken 32-shi álem chempıonaty óz máresine jetti. Azııa aýmaǵynda tuńǵysh ret ótkizilgen bul chempıonattyń joǵary deńgeıde uıymdas­ty­ryl­ǵanyn sheteldik mamandar men sport jýrnalısteri tushynyp aıtty. Bul jarysta Qazaqstan quramasy qola júldege ıe boldy.

Almatyda aıaqtalǵan álem chempıonatynda qazaqstandyq dopty hokkeı sheberleri qola júldege qol jetkizdi

«Medeý» muz aıdynynda dopty hokkeıden ótken 32-shi álem chempıonaty óz máresine jetti. Azııa aýmaǵynda tuńǵysh ret ótkizilgen bul chempıonattyń joǵary deńgeıde uıymdas­ty­ryl­ǵanyn sheteldik mamandar men sport jýrnalısteri tushynyp aıtty. Bul jarysta Qazaqstan quramasy qola júldege ıe boldy.

Memleket basshysy Nursultan Nazarbaev Qazaqstan men Shvesııa quramalary arasynda bendıden ótken álem chempıo­naty­nyń jartylaı fınaldyq oıynyn tamashalady.Buǵan deıin Shvesııa qu­ra­ma­symen bolǵan jartylaı fınal­dyq kezdesý óte tartysty ári shıelenisti ótti. Qos komanda da aqtyq synǵa ótý jolynda ba­ryn saldy. Matchtyń alǵashqy mınýttarynan-aq bizdiń jigitter shvedterge jiberip alǵan áýe­lgi esesin qaıtara alatyn­dy­ǵyn tanytyp, jigerli oıyn órnegin kórsete bildi. «Medeýdi» basyna kótere aıǵaılaǵan jan­kúıerlerin jerge qaratpaýǵa bekingendeı. Tolassyz jaýǵan qar tolarsaqqa jetse de, osy joly Shvesııa quramasyn qalaıda je­ńý­ge bekinip shyqqan minez anyq baıqaldy. Birinshi taımda eki komanda qarsylastarymen bir-bir goldan almasyp, oıyn teń eseppen aıaqtaldy. Bul kúni qardyń toqtaýsyz jaýǵanyna baıla­nys­ty ádettegideı 45 mınýttan eki taım oınalmaı, bendıde ruqsat etilgen erejege saı jarty sa­ǵat­tan úsh taım oınaýǵa týra keldi.Ekinshi taımda alańdaǵy jaǵ­daı asa tartysty bastaldy. Oıynnyń ekinshi bóliginde qa­zaq­standyqtar qarsylastar qaq­­pa­syna bir dop engizip alǵa shyqty. Kóp uzamaı penaltıden úshinshi goldy da sátimen soqty. Qarsylasyna qarymta soqqy berip sheber oıyn ór­negin kórsetýdiń ornyna shvedter barmaq basty, kóz qysty áreketterge deıin barǵanyn aıta ketkenimiz jón. Úshinshi taım­da shvedter alǵashqy bu­rysh­tamasyn sátti paıdalanyp, bizdiń qaqpaǵa gol soqty. Esep aıyrmasy «mınımýmǵa» deıin qysqaryp, aıdyndaǵy oıyn­nyń kórigi qyzdy. Shabýylǵa túbegeıli kóshken skandınavııa­lyq­tar qorǵanysty umytyp, opyq jedi. Sońǵy ysqyryqqa 12 mınýt qalǵanda Nıkıshovtiń shákirtteri tórtinshi golyn soq­ty. Al oıyn bitýge sanaýly-aq sekýndtar qalǵanda buryshta­ma­dan berilgen kezekti dop Qa­zaqstan quramasynyń qaqpa­sy­na endi. Matchtyń negizgi ýa­qy­t­y 4:4 esebimen teń aıaqtalyp, jeńimpazdy anyqtaý úshin oıyn overtaımǵa ulasty.

«Altyn dop» qaqpa to­ryn­da týlap jatqanǵa deıin jal­ǵasatyn overtaımda jankúıer kútkendeı jańalyq bolmady. Sheshýshi sátte eki komanda da bir-birine berispeı, teń dáre­je­de oıyn júrgizdi. Oıyn sońy­nan beriletin 12 metrlikterdiń serııasynda sáttilik qonaqtar jaǵynda boldy.Qazaqstandyq dopty hokkeı sheberleri úshinshi márte qola júldege qol jetkizdi. Biraq bul joly qa­zaq jurty muz ústindegi min men syndy óz kózderimen tamashalap, óz kóńilderimen kókeı­ge túıdi. Tóreshiler tarapynan jasalatyn qysastyq pen túrli aılanyń kýá­si bolyp, óz eliniń namysy úshin aq qar, kók muzda «Medeýge» aǵyl­dy. 10 ret álem chempıony atanǵan Shvesııa sekildi elmen bir deńgeıde oınaý, keı rette basymdyq tanyta bilý – erlikpen para-par is. Bizdiń jigitterimiz mundaı oıyny úshin tek maqtaýǵa laıyq. Bul dopty hokkeıden qa­tysyp otyrǵan sońǵy chempıona­ty­myz emes. Alda áli talaı jarystar men syn saǵattar bar. Shyn myqtyny shynaıy tanıtyn kez áli talaı týady. Osy joly da qazaqstandyq bendıshiler óz óne­rimen talaı eldi tánti ete bildi. Ásirese, Shvesııa quramasymen bolǵan qarymta kezdesý sport tarıhynda «shvedterdi sastyrǵan kún» retinde atap ótýge ábden turarlyq.Rasynda, mundaı oıyndy qa­zaqstandyq bendıshilerden kóbi kútpegen edi. Bul oıyn naǵyz fı­naldaǵy oıyn sııaqty ótti. Biraq, qonaqtar jaǵynan ketken bir áttegen-aıdy da aıta ketpeske bolmaıdy. Sol kúni bendıden Qazaqstan bapkerleri Shvesııa quramasynyń ústinen shaǵym tú­sirdi. Onyń sebebi, qonaqtardyń oıynǵa qosylmaǵan Danıel Moss­berg degen oıynshysyn match­qa tirketpeı, eshkimge eskertpeı aı­dynǵa shyǵarǵany boldy. Mun­daıǵa bizdiń bapkerler jol bere me, qurama bapkeri Alekseı Nıkıshov pen federasııa ókilderi jedelǵabyl Shvesııa tarapynyń óreskel qatelik jibergenin aı­typ, Halyqaralyq bendı federa­sııasyna shaǵymdandy. Aty dardaı bul uıym, ókinishke qaraı, bizdiń shaǵymymyzdy eskermeı, sheshimdi Shvesııanyń paıdasyna shyǵardy.Osy oqıǵaǵa baılanysty ót­ken arnaıy jıynda FIB bas­shylyǵy Qazaqstannyń shaǵymyn qarastyryp, Shvesııa quramasyna aıyppul saldy. Sóıtip, tizimdegi joq oıynshyny matchqa qosqan Shvesııa bar bolǵany 2500 eýro tólemmen qutyldy. Mine, osydan keıin Skandınavııa ókilderi fınalǵa joldama alyp, onda Reseı quramasyn 5:4 esebimen jeńip, 11-shi ret álem chem­pıo­ny atandy. Al bizdiń el jar­ty­laı fınalda reseılikterden 6:4 esebimen jeńilgen Fınlıan­dııany úshinshi oryn úshin ótken matchta 10:5 esebimen utyp, qola júldeni ıelendi.Sóıtip, Almatyda bir jetige sozylǵan álem chempıonaty aıaqtaldy. Bul báseke, shyny kerek, bizdiń Shvesııamen bol­ǵan kezdesýdegi qatelikter jáne Halyqaralyq bendı federa­sııa­sy basshylyǵynyń soǵan baı­lanysty burys sheshim qa­byldaǵany bolmasa, óte joǵary deńgeıde ótti. Endi bizdi bıyl taǵy bir bendı básekesi kútedi. Álem chempıonaty kezinde osy jyldyń sońynda, ıaǵnı jeltoqsanda Almaty tórinde bendıden Azııa chempıonatynyń ótetini belgili boldy. Bul tý­ra­ly Qazaqstan bendı oda­ǵy­nyń baspasóz qyzmeti málimdedi.Qanat ESKENDIR, Almaty.Sýretterdi túsirgen  Iýrıı BEKKER.