Mılanka Karıch: Basym baǵyttar qamtylǵan

Prezıdent N.Nazarbaevtyń 2018 jyldyń 5 qazanynda jarııa­laǵan Joldaýynda áleýmettik sa­laǵa basa nazar aýdarǵan. Onda, ási­rese turǵyndardyń ál-aýqatyn arttyrý, jergilikti kásipkerlerdi qoldaý isine basymdyq berilgen. Sonymen qatar densaýlyq saqtaý jáne bilim berý salalaryna da aıryqsha kóńil bólingen. Bular­dan bólek, men atalǵan Jol­daýda azyq-túlik ónimderiniń qaýip­sizdigi men sapasyna memlekettik baqylaýdy kúsheıtý isine ekpin be­rilgenin óte oryndy dep esep­teımin. Osy arada halyq den­saýlyǵynyń jaqsy bolýy eldiń qarqyndy túrde damýyna tikeleı áser etetin faktor ekenin atap ótkim keledi.

Qazirgi tańda álemde tehnolo­gııanyń qarqyndy damýy ýaqyt talabyna saı mamandar daıarlaý qajettigin kún tártibine shy­ǵa­ryp otyr. Osyǵan baılanys­ty, Jol­daýda joǵary oqý oryn­dary­nyń aldyna sapaly mamandar daıarlaý mindeti qoıylǵany, son­daı-aq urpaqqa bilim, tár­bıe berý isinde 4K modeline: krea­tıv­tilikti, synı oılaýdy, kommý­nı­katıvtilikti damytýǵa jəne komandada jumys isteı bilýge basty nazar aýdarylǵany qýantady.

Joldaýda quqyq qorǵaý organ­darynyń, sot júıesiniń, mem­le­ket­tik qyzmetkerlerdiń jumy­syn jetildirý, zaman suranysyna be­ıimdeý máselesi atap kór­se­til­gen. Aıta ketý kerek, mem­leket­tik qyz­met­kerlerdiń jumy­sy­na ha­lyq­tyń se­nim artýy óte mańyzdy. Son­dyq­tan ózin-ózi jetildire otyryp, sa­pa­ly jumys isteý memlekettik qyz­metshiniń basty mindeti bolýy tıis. 

Jalpy, Qazaqstanda halyqtyń ál-aýqatyn jaqsartýǵa, olardyń tabysyn ósirip, turmys sapasyn arttyrýǵa qatysty kóptegen jumystar atqarylýda. Elde túrli áleýmettik kómekterdi usyný úrdisi saqtalyp qana qoımaı, ol birtindep kóbeıtilip otyr. Bul Qazaqstandaǵy turaqtylyq pen ornyqty damýdyń aıqyn kórinisi.

Mılanka KARICh,

Serbııa parlamentiniń depýtaty