«Arlandar» – kelesi aınalymda

9 naýryz kúni Búkilálemdik boks serııasy jarysynyń kezekti jekpe-jekteri ótti. Mehıko, Máskeý, Baký jáne Mılan qala­la­ryn­da ótken básekelerde jartylaı fınalǵa joldama alǵan komandalar belgili boldy.

Solardyń biri bolǵan «Astana ar­landary» klýby Atlant muhıty­nyń ar jaǵyndaǵy Meksıkada «Mehıko qalasynyń jaýyngerleri» komandasymen kezdesip, qarsylas­ta­ryn 4:2 esebimen utty. Sóıtip, bilikti bapkerler Beı­bit Esjanov pen Oleg Kovalchýg astekter eline daıyndap barǵan komanda jartylaı fınalǵa joldama alyp, jankúıerlerin asa mańyzdy jeńisimen qýantty.

9 naýryz kúni Búkilálemdik boks serııasy jarysynyń kezekti jekpe-jekteri ótti. Mehıko, Máskeý, Baký jáne Mılan qala­la­ryn­da ótken básekelerde jartylaı fınalǵa joldama alǵan komandalar belgili boldy.

Solardyń biri bolǵan «Astana ar­landary» klýby Atlant muhıty­nyń ar jaǵyndaǵy Meksıkada «Mehıko qalasynyń jaýyngerleri» komandasymen kezdesip, qarsylas­ta­ryn 4:2 esebimen utty. Sóıtip, bilikti bapkerler Beı­bit Esjanov pen Oleg Kovalchýg astekter eline daıyndap barǵan komanda jartylaı fınalǵa joldama alyp, jankúıerlerin asa mańyzdy jeńisimen qýantty.

Buǵan deıin Astanada ótken jekpe-jekte «arlandar» qarsylastarynan 3:2 esebimen basym túsken edi. Sondyqtan Meksıkadaǵy qarymta kezdesýde bizdiń boksshylar aldyna kem degende úsh jekpe-jekte jeńilmeý kerek degen maqsat qoıyldy. Bizdiń qýanyshymyzǵa oraı, keshegi kezdesýde boksshylarymyz bul maqsatty artyǵymen oryndady. Olar eki kezdesýde ǵana alań ıelerine ese jiberip, qalǵan jekpe-jekterde aıqyn basymdyqpen utty.

Atap aıtsaq, 73 kıloǵa deıingi salmaqta komanda kapıtany Qanat Islam Meksıkanyń bolgarııalyq legıoneri Mladen Manevti, «arlandardyń» al­jır­lik legıoneri Abdelhafıd Benshabla (85 kg.) rıng qo­jaıyny Haver Fransısko Ortegany jeńse, Mıras Baıyrhanov (73 kg.) qosymsha kezdesýde mek­­sıka­lyq Hýan Antonıo Merkadodan basym tústi. Al «arlan­dar­dyń» majarlyq legıoneri Ishtvan Bernadke «jaý­yngerlerdiń» sapyndaǵy ekvadorlyq Djordj Kýınonezdiń sharshy alańǵa shyq­paýy­na baılanysty jeńis berildi.

Osy jekpe-jekterde Qanat Islam men Abdelhafıd Benshablanyń ónerleri súısintti. Q.Islam ózine tán mánerimen qarsylasynyń boıy uzyn bolsa da oǵan bas kóterýge mursha bermeı, barlyq raýndtardy saýatty ótkizip, meksıkalyqty sabap tastasa, aljırlik legıoner óziniń aıqasyn óte saýatty, óte joǵary deńgeıde ótkizdi. Sharshy alańda ashyq tóbeleske barmaı, alystan ǵana soqqylar darytyp, upaı jınaǵan Benshabla alań ıesinen barlyq raýndta aılasyn asyryp ketti.

Al M.Baıyrhanov jeńiske jetse de, onyń aıqasy shyny kerek, kóńilimizden shyqpady. Ony qara kúshke salyp jeńdi dese de bolady. Tehnıkanyń jetispeıtindigi birden kórinip turdy.

Endi «arlandar» jartylaı fınalda Máskeýdiń «Dınamosymen» kezdesedi. Birinshi jekpe-jek Astanada 23 ne 24 naýryz kúnderi ótse, qarymta kezdesý Máskeýde 30 nemese 31 naýryz kúnderi ótedi. Ekinshi jartylaı fınaldyq jup Ázerbaıjannyń «Baký ottary» men Italııanyń «Mılan naızaǵaıy» klýbta­rynyń arasynda ótedi dep kútilýde.

Máskeýlik komandamen «Astana arlandary» bu­ǵan deıin eki ret kezdesken. Sonyń birinde otandastarymyz 3:2 esebimen jeńse, ekinshisinde 5:0 ese­­bi­men jeńilgen bolatyn. Sondyqtan alpys aılaly «ar­lan­darǵa» reseılik ujymnan aılasyn asyryp ketý ońaı bolmas. Biraq, úmitsiz – shaıtan deıdi, biz «ar­­lan­darǵa» senemiz jáne komandaǵa kóp úmit artamyz.

Dastan KENJALIN.