Qazaqstan Respýblıkasynyń Prezıdenti Nursultan Nazarbaev óziniń el basqarýdaǵy alǵashqy jylynan beri Ortalyq Azııa elderimen tyǵyz saıası, ekonomıkalyq jáne mádenı baılanystardy ornyqtyrýǵa umtylyp keledi.
Nursultan Nazarbaevtyń syrtqy saıasatta, ásirese Ortalyq Azııadaǵy kórshiles eldermen máselelerdi sheshýde ashyqtyǵyn ári sheshimdiligin erekshe atap ótken jón. Dıplomatııa salasyndaǵy jasampaz isteri Qazaqstan Respýblıkasy Prezıdentiniń kóregendigin áıgileıdi. Mysaly, Ortalyq Azııa ekonomıkalyq dostastyǵy onyń jeke bastamasy boıynsha qurylyp, Qazaqstan, Qyrǵyzstan, О́zbekstan jáne Tájikstan arasyndaǵy saýda-ekonomıkalyq qarym-qatynastardyń quqyqtyq negizde iske asýyna zor yqpal etti. Aımaqtaǵy úrdisti jiti túsingen Qazaqstan Prezıdentiniń bastamasy boıynsha bul máseleler memleket basshylary deńgeıinde sheshimin tapty.
Sonymen qatar Nursultan Nazarbaev bastamasymen Eýrazııa aýmaǵynda iri saıası forým – Birinshi «Eýrazııa – 2000» halyqaralyq sammıti ótti.
Onyń bastamasy boıynsha 2002 jyly 4 shildede Almatyda Reseı, Qytaı, Úndistan, Pákistan, Túrkııa, Qyrǵyzstan, Tájikstan, Mońǵolııa, Aýǵanstan jáne Qazaqstan memleket basshylarynyń qatysýymen azııalyq óńirde beıbitshilik pen kelisimdi saqtaý jóninde sammıt ótkizildi. Atalǵan forýmnyń qorytyndysy boıynsha álemdik mándegi tarıhı qujat qabyldandy. Álemde beıbitshilikti saqtaýǵa shaqyrǵan Almaty forýmynyń sheshimi men álemdik qoǵamdastyqqa úndeýi halyqaralyq uıymdarda qyzý talqylandy. Mundaı iri saıası forýmdy ótkizý jáne onyń qorytyndylary Qazaqstan Respýblıkasynyń Prezıdenti Nursultan Nazarbaevtyń álemdik arenadaǵy bedelin nyǵaıtyp qana qoımaı, arttyra tústi.
Syrtqy saıasatta Nursultan Nazarbaevtyń álemdik deńgeıde dinder arasynda beıbitshilik pen kelisimdi saqtaýǵa jáne nyǵaıtýǵa umtylysy baıqalýda. Nursultan Nazarbaevtyń bastamasy boıynsha Astanada ár úsh jylda bir ret Álemdik jáne dástúrli dinder kóshbasshylarynyń sezi ótip turady. Qazaqstan Respýblıkasynyń Prezıdenti júrgizip otyrǵan toleranttylyq dıalogyn saqtaý saıasatynyń durystyǵyn ómirdiń ózi dáleldep otyr.
Sondaı-aq BUU, Iýnesko, EQYU, TMD, ShYU syndy halyqaralyq uıymdar jıyndarynda sóılegen sózderinde Nursultan Nazarbaev qashanda ekonomıka, halyqaralyq qaýipsizdik, mádenı-tarıhı murany saqtaý sııaqty jahandyq máselelerdi sheshýge umtylady. Munyń bári onyń kóshbasshylyq qasıetiniń jarqyn dáleli. Nursultan Nazarbaev – álemdik deńgeıdegi qaıratker.
Asan ORMÝShEV,
Kýveıt halyqaralyq ýnıversıtetiniń rektory,
doktor, professor