Syrtqy ister mınıstri Qaırat Ábdirahmanov Astana prosesiniń kezekti raýndy aıasynda Sırııa Úkimeti delegasııasynyń basshysy, Sırııa Arab Respýblıkasynyń BUU janyndaǵy О́kili Bashar ál-Djaafarı jáne delegasııa múshelerimen kezdesý ótkizdi. Sol kúni SIM basshysy Ahmed ál-Toma basqarǵan Sırııadaǵy qarýly oppozısııa delegasııasymen kezdesti, dep habarlaıdy SIM baspasóz qyzmeti.
Atalǵan kezdesýlerdiń basty taqyrybyna kelissózderdiń kún tártibi, oryndardaǵy qazirgi jaǵdaıdy talqylaý, sonyń ishinde Idlıb aımaǵynda, SAR-daǵy uzaqqa sozylǵan qaqtyǵysty túpkilikti retteý perspektıvalary, sondaı-aq Sırııa jónindegi Konstıtýsııalyq Komıtetiniń quramyn qalyptastyrý jáne jedel iske qosylý máseleleri kirdi.
«Biz Prezıdent Nursultan Nazarbaevqa Sırııadaǵy beıbitshilik qurýdyń jalǵyz jumys isteıtin jáne tıimdi mehanızmi bolyp tabylatyn kelissózder alańyn usynǵany úshin alǵysymyzdy bildiremiz», - dedi B. ál-Djaafarı.
Oppozısııa delegasııasymen kezdesý barysynda A. ál-Toma Astana prosesiniń rólin atap ótip, Astanadaǵy kelissózder Sırııadaǵy daǵdarysty sheshýde jalǵys tıimdi qural ekenin aıtty.
О́z kezeginde, eki kezdesýdiń sheńberinde Q. Ábdirahmanov gýmanıtarlyq baǵyttaǵy jumysty kúsheıtý qajettigin, atap aıtqanda, gýmanıtarlyq kómek kórsetýdiń kedergisiz ótýine jaǵdaı jasaý, janjalǵa qatysýshylardyń arasyndaǵy senim sharalaryn odan ári nyǵaıtý, tutqynǵa alynǵan tulǵalarmen almasý prosesin belsendetý jáne qaqtyǵys aımaqatyrynan shetel azamattaryn evakýasııalaý joldaryn damytý qajettigin atap ótti.
Sondaı-aq, bosqyndardyń Sırııaǵa qaıtyp kelý taqyryby qozǵaldy. Qazaqstan tarapy BUU-dyń Jenevadaǵy platformasyndaǵy saıası retteý jónindegi kúsh-jigerine óziniń qoldaýyn rastady.