Mańǵystaý oblysy boıynsha Polısııa departamenti bastyǵynyń buıryǵymen 23-27 qarasha aralyǵynda oblysta jol janyndaǵy jol-kólik oqıǵalaryn boldyrmaý maqsatynda «Jolda janýarǵa nazar aýdar!» aksııasy ótkizildi.
О́tkizilgen aksııa aıasynda jergilikti polısııa qyzmeti qyzmetkerleri «Tolqyn» mal sharýashylyǵynda úı janýarlarynyń ıelerimen kezdesti jáne jaryq shaǵylystyrý elementterin paıdalanýdyń mańyzdylyǵy týraly aldyn-alý suhbat ótkizdi.
Tekserý qorytyndysy boıynsha, joldaǵy bolatyn jol-kólik oqıǵalarynyń basym kópshiligi keshqurym kezde úı janýarlarynyń kesirinen, ıaǵnı júrgizýshi kenetten jolǵa shyqqan janýardy kórmeı qalýy sebepti oryn alatyndyǵy anyqtaldy.
- Jaryq shaǵylystyrǵysh elementterdi qoldaný qazirgi tańda barlyq janýarlardyń ıeleri úshin óte mańyzdy bolyp otyr, olar janýarlardy jıi qaraýsyz qaldyrady. Mundaı element túnde janýardy alystan jaqsy baıqaýǵa múmkindik beredi, dep atap ótti JPQ bastyǵy polısııa maıory M.Omarov.
Sondaı-aq, aksııa barysynda jergilikti polısııa apparatynyń qyzmetkerleri janýarlaryn qaraýsyz qaldyrǵan mal sharýashylyǵy ıelerin ákimshilik jaýapkershilikke tartyp, olarǵa jaryq shaǵylystyrǵysh elementin mindetti túrde qoldanýdy usyndy.
Talapty oryndamaǵan jaǵdaıda mal sharýashylyǵy ıeleri tómendegideı Ákimshilik quqyq buzýshylyq týraly Kodeksiniń sáıkes baptary boıynsha jaýapkershilikke tartylýy múmkin.
Sondaı-aq, naýqan aıasynda jergilikti polısııa qyzmetkerleri avtokólik júrgizýshilerimen aldyn-ala áńgimelesý sharalaryn júrgizdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy