«ALJIR» memorıaldy-murajaı kesheni kórme zaldarynyń jańartylǵan ekspozısııalarymen óz jumysyn qaıta bastady, dep habarlaıdy Astana qalasynyń Mádenıet jáne sport basqarmasynyń baspasóz qyzmeti.
Murajaı qory qýǵyn-súrginge ushyraǵandardyń urpaqtarymen berilgen, sondaı-aq zertteý is-saparlary barysynda Qazaqstan qalalary boıynsha jáne TMD elderinenjınalǵan, buryn qoıylmaǵan biregeı jádigerlerimen tolyqtyryldy.Jańa materıaldardyń ishinde: Shevchenko Valentınanyńanasy «ALJIR» tutqyny Marıam Ansıstiń sózinen jasalǵan 1938-1946 jyldary lagerinińjospary, «ALJIR» tutqyndaryMadına Aısarınanyń, Rázııa Mendeshevanyń, Aısha Qabylovanyń, Hadıcha Hakımovanyń, Nına Tórequlovanyń, Kıra Bersenevanyń, Roza Sypkınanyń, Sıma Vaınshteınnyń, Enta Lıhtenshteınnyń, Sofııa Zılberbergtiń, Sofııa Nesmeıanovanyń, Evgenııa Openkonyń (Soı), Irena Stolıarskaıanyń jáne t.b. fotosýretteri usynylady.
«ALJIR» lageri tutqyndarynyń jeke zattary:Ǵalııa Gaısınaǵa tıesili «Zınger» tigin mashınasy, Madına Aısarınanyń júnnen toqylǵan kúrtesi, 1946 jyly Marıam Ansıstiń albomǵa japsyrylǵan «ALJIR» lagerinde jasalǵan keste úlgileri, HH ǵasyrdyń 30-40-shy jj. maı shaıqaǵysh jáne t. b. erekshe qundylyqa ıe.
Murajaıǵa kelýshiler óz betinshe «ALJIR» lageriniń tutqyndary men olardyń otbasylary týraly aqparatpen «ALJIR» zalynda ornatylǵan ınternetke qosylǵan sensorlyq basqarý paneli bar 3 mýltımedııalyq ekran kómegimen tanysa alady. Sonymen qatar, «ALJIR» zalydybystyq súıemeldeýmen jabdyqtalǵan. Atap aıtqanda, tigin sehynda tigin mashınasynyń jumys dybysy, barak pen túrme kamerasynda áıel men balanyń jylaǵan daýystaryn qosý jáne óshirý avtomatty datchıgi bar.
«Bul murajaı erekeshe, osynda adam janyna batatyn qujattardy, sýretterdi kórýge bolady. Jańa ekspozısııada Qazaqstannyń oblys ortalyqtarynyń muraǵattarynan jáne TMD elderiniń muraǵattarynan jınap ákelingen zattar kórsetilgen. Ekspozısııanyń maqsaty – sol ótken kezenniń qıyndyǵyn qazirgi jastarǵa jetkizý jáne osyndaı ótken qıyn kezen qaıtalanbasyn», – dedi Astana qalasy Mádenıet jáne sport basqarmasy basshysynyń orynbasary Narıma Muhambetalına press-týr barysynda.