Ortalyq kommýnıkasııalar qyzmetinde ótken baspasóz máslıhatynda Aqtóbe oblysynyń ákimi Berdibek Saparbaev óńirde júzege asyrylyp jatqan joǵary tehnologııalyq ınvestısııalyq jobalar týraly baıandady.
О́ńirde quny 55,8 mlrd. teńge bolatyn 15 joǵary tehnologııalyq ınvestısııalyq jobalar júzege asyrylyp, 1300 jańa jumys orny quryldy. Baıǵanın aýdanynyń Qojasaı ken ornynda quny 33 mlrd. teńge bolatyn «Gas Prosessing Company» JShS gaz óńdeý kesheni qurylysynyń jobasy júzege asyrylyp jatyr. Nysan iske qosylysymen ilespe gazdy óńdeý artyp, taýarly gaz, gaz kúkirti, propan-býtan qospasy syndy ónimderdi óndirýdi ıgerýge múmkin bolady. Budan ózge, qondyrǵy ilespe gazdy alaý arqyly jaqpaýǵa múmkindik beredi. Bul óńirdiń ekologııalyq jaǵdaıyn jaqsartýǵa áser etedi. Zamanaýı tıimdiligi joǵary tehnologııalar zııandy qaldyqtardy azaıtyp gazdy tolyq óńdeýdi qamtamasyz etedi.
Sondaı-aq, óńirde altyn kombınatynyń, keramıkalyq plıtalar men qurylys materıaldaryn shyǵaratyn zaýyttardyń, «A» klasty logıstıkalyq ortalyqtyń qurylysy júrip, Kóktemgi-Aral ken orny ıgerilýde jáne t.b. jumystar júrip jatyr.
Budan basqa, Aqtóbe oblysy memleket basshysynyń «Qazaqstannyń úshinshi jańǵyrýy: jahandy básekege qabilettilik» atty Joldaýyn júzege asyrý boıynsha belsendi jumystardy jalǵastyrýda. О́ńirde bıyl jol kartasy aıasynda 55 kásiporyn jańǵyrtyldy. Jalpy alǵanda jabdyqtar men prosesterdi tehnologııalyq jetildirýge 85 mlrd teńge salyndy.
Jalpy, jyl sońyna qaraı, oblys 510 mlrd teńge ınvestısııa tartýdy kózdep otyr (2017 j. - 437 mlrd teńge), onyń 85 %-y bıýdjetten tys qarajat, 35 % -y syrtqy ınvestısııa.
Temir QUSAIYN,
«Egemen Qazaqstan»
Aqtóbe oblysy