Tuńǵysh Prezıdent kúnin merekeleýdiń negizgi mindeti Qazaqstan Respýblıkasy Tuńǵysh Prezıdenti – Elbasy N.Á.Nazarbaevtyń qazaqstandyq memlekettilikti qurýdaǵy, qazaqstandyq qoǵamnyń turaqty damýyn qamtamasyz etýdegi aýqymdy tarıhı rólin kórsetý bolyp tabylady. Ishki ister organdary jeke quramy qyzmetkerleriniń mádenı deńgeıin arttyrý, patrıottyq tárbıeleý maqsatynda 1-jeltoqsan «Tuńǵysh Prezıdent kúnin» merekeleýge arnalǵan is-sharasy osy maqsatty uǵyndyra túsý baǵytynda uıymdastyryldy.
Is-shara aıasynda basqarma qyzmetkerleriniń patrıottyq sezimin kóterý maqsatynda Memlekettik tý shyǵarylyp, basqarma qyzmetkerleri Memlekettik Ánuranady oryndady.
Merekelik is-sharada Aqtaý qalasy PB bastyǵynyń orynbasary polısııa polkovnıgi M.Sadaqbaev QR Ishki ister mınıstri Q.Qasymovtyń quttyqtaý jedel hatyn oqyp, ári qaraı merekelik buıryqtarmen tanystyrdy.
Sondaı-aq Q.Sydıyqov atyndaǵy Mańǵystaý oblystyq ámbebap kitaphanasynyń qyzmetkerleri kórme uıymdastyryp, táýelsiz Qazaqstannyń qurylýy men damýyndaǵy El Prezıdenti – Elbasy N.Á. Nazarbaevtyń tarıhı rólin túsindirý maqsatynda «El baǵyna týǵan er» atty taqyrypqa dáris oqydy. Elbasy qyzmetine arnalǵan kitaptardy kitaphana qyzmetkeri Á.Dosqalıeva tanystyrdy. Muryn jyraý atyndaǵy Mańǵystaý gýmanıtarlyq kolledji stýdentteri týǵan el, Otan, týǵan jer týraly ólenderin oqysa, Mańǵystaý óner kolledjiniń stýdentteri dombyramen kúı tartyp, jyrdan shashý shashty.
Is-shara sońynda basqarmanyń kadr jumysy bólimi qyzmetkerleri daıyndaǵan «Uly dalanyń jeti qyry» atty hronıkalyq derekti fılmder kórsetilimi uıymdastyryldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy