QR Tuńǵysh Prezıdenti kúnine oraı paıdalanýǵa berilgen ǵımarattyń ashylýyna densaýlyq saqtaý vıse-mınıstri Lázzat Aqtaeva qatysty.
Jalpy aýdany 28 000 sharshy metrdi quraıtyn jańa ortalyq jeti bloktan turady. Ol 250 orynǵa arnalǵanjánezamanaýı talaptarǵa sáıkes materıaldyq tehnıkalarmen jabdyqtalǵan. Munda júkti áıelderge, bosanatyn áıelderge jáne joǵary qaýipti toptaǵy bosanǵan áıelderge, jańa týǵan nárestelerge, shala týǵan jáne salmaǵy az balalarǵa mamandandyrylǵan jáne joǵary mamandandyrylǵan akýsherlik-gınekologııalyq jáne neonataldyq, medısınalyq-sanıtarlyq jáne konsýltasııalyq dıagnostıkalyq kómek kórsetiledi.
-Eń aldymen barlyǵyńyzdy Tuńǵysh prezıdent kúni merekesimen shyn júreketn quttyqtaımyn. Búgingi ashylǵan ortalyqtyń negizgi maqsaty oblys turǵyndaryna sapaly medısınalyq qyzmet kórsetý, halyqtyń medısınalyq kómekke qoljetimdiligin arttyrý bolyp tabylady. Mundaǵy biliktiligi joǵary medısına qyzmetkerleri turǵyndarymyzǵa sapaly qyzmet kórsetip, halyqtyń densaýlyǵyn jaqsartý maqsatynda aıanbaı qyzmet jasaıdy dep senemin. Barshańyzdy taǵy da qazirgi zamanǵy talaptarǵa saı salynǵan jańa «Ana men bala» ortalyǵynyń ashylýymen shyn júrekten quttyqtaı otyryp, sizderge myqty densaýlyq, eńbekte tabys, otbasy baqyty men berekesin tileımin! Dárigerlik anttaryńyzǵa adal bolyp, halyqtyń alǵysyna bólene berińizder! dedi aımaq basshysy ortalyqtyń ashylý saltanatynda.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy