Mańǵystaý oblysyndaǵy agroónerkásiptik keshendi damytýdyń 2017-2020 jyldarǵa arnalǵan memlekettik baǵdarlamasyn iske asyrý barysy týraly aýyl sharýashylyǵy basqarmasynyń basshysy Serik Qaldyǵul baıandady.
Qazirgi ýaqytta aýyl sharýashylyǵynyń jalpy óniminiń kólemi 12 996,2 mln.teńgeni quraıdy. Naqty kólem ındeksi 103,5% qurady. 2018 jyly mal basy 2017 jylmen salystyrǵanda 8% artyp, 564 911 basty qurady. Jalpy egis kólemi-1118,5 gektar. 800 ga jerge kókónis jáne baqsha daqyldary úshin tamshylatyp sýarý júıesi engizildi. Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasyn iske asyrý úshin respýblıkalyq bıýdjetten 2018 jylǵa 1 244 089 mln.teńge bólindi. Onyń ishinde 821 837 200,0 teńge «Aýyl sharýashylyǵyn qarjylaı qoldaý qory» AQ-na jáne 422 251 800,0 teńge «Agrarlyq nesıe korporasııasy» AQ-na bólindi. Búgingi kúni bólingen qarajattyń 95% ıgerildi. Sonymen qatar, «Bastaý Bıznes» baǵdarlamasy aıasynda 1056 adam oqyp, sertıfıkat alǵan.
Turǵyn úı-kommýnaldyq sharýashylyǵy salasyn sıfrlandyrý týraly Energetıka jáne turǵyn úı-kommýnaldyq sharýashylyq basqarmasynyń basshysy Jandos Sálimovtyń baıandaýynsha, turǵyn úı-kommýnaldyq salany sıfrlandyrý boıynsha jol kartasyna sáıkes TÚKSh-tiń sıfrlanǵan málimetterin «E-Shańyraq» aqparattyq júıesine 2022 jylǵa deıin engizý mindeti qoıylǵan. Aqtaýda osy aqparattyq júıege 73 úı qosylǵan. 2022 jyldyń sońyna deıin barlyǵy 1621 úıdi qosý josparda.
-Málimetterdi aqparattyq júıege onlaın rejımde bere alatyn 1689 úıge ortaq esepteý quraly ornatyldy. Esepteý quraldaryn ornatý turǵyndarǵa 156,1 mln. teńgege deıin, al kásiporyndarǵa 8,34 myń Gkal jylý únemdeýge múmkindik beredi. Aqtaý qalasynyń kóp páterli turǵyn úılerine elektrondy pasporttar ázirleý jobasyna - 19,2 mln teńge bólinip, nátıjesinde 100 turǵyn úıdiń elektrondyq pasporttary ázirlendi. Sonymen qatar, árbir turǵyn úıge QR-code taqtaıshalaryn ornatý jumystary júrgizilýde. Ol arqyly, basqarýshy kompanııa týraly, dıspetcherlik qyzmettiń baılanys telefondary, elektrık, slesar, qoldaý pýnkti, úı týraly tolyq aqparatty alýǵa múmkindik beredi, dedi Jandos Sálimov.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy