Kenshiler astanasynda Tuńǵysh Prezıdent kúnine arnalǵan «Elbasy jáne jalyndy jastar» atty jastar forýmy bastaldy. Merekelik sharaǵa qalanyń qurmetti azamattary, Elbasynyń seriktesteri, kásipkerler mártebeli meıman retinde qatysty.
Forýmǵa qatysýshylar elimizde Prezıdenttiń bastamasymen júrgiziletin «Jastar jylynyń» bastalýyn jarııalady. Sonymen qatar, qaraǵandylyqtar #NURQADAM_KRG heshtegin iske qosty. Bul ataýmen jastar túrli saladaǵy jetistikteri men jeńisteri jaıly jazǵan maqalalary men jazbalaryn jarııalaıtyn bolady. Aksııa qorytyndysy 2019 jyldyń 1 jeltoqsanynda shyǵarylady.
Merekelik konsertte «Arizona» bı ansambli, mýzykanttary prezıdenttik orkestr quramyna kiretin «Baizhan group» vokaldyq-aspaptyq kvartet sekildi astanalyq ujymdar óner kórsetti.
Qaırat ÁBILDA,
«Egemen Qazaqstan»
Qaraǵandy