Prezıdent kúninde týǵan perzentterdi quttyqtady

Astana qalasy ákimdigi baspa­sóz qyzmetiniń habarlaýyn­sha, mereke kúni atalǵan aýrýhanada 26 náreste dúnıe esigin ashty. Iаǵnı 10 ul, 16 qyz bala dúnıege kelgen. Jalpy, 1 jeltoqsan kúni Astanada 80-nen asa sábı ómirge keldi. 

«Biz úshin eń bastysy, náreste­ler men analardyń densaý­lyq­tary­nyń myqty bolýy. Mereke kúni dúnıege kelgen jáne keletin barlyq sábıge aman-saý bolýy­men qatar, aıtýly el azamaty bolyp ósýine tilektespiz», dedi Baqyt Sultanov. 

Analardyń kóbi ekinshi jáne úshinshi balasyn ómirge ákelse, al Dıana Ysqaqova tula boıy tuńǵyshynyń dál osy kúni ómirge kelgenine óte qýanyshty. «Búgin otbasymyz úshin erekshe kún. Kópten kútken qýanyshqa keneldik. О́ıtkeni bul sábıdi 3 jyl boıy kúttik. Shynymdy aıtsam, bosanýymdy osy kúnge sáıkes keledi dep oılamadym. Men úshin balany aman-saý dúnıege ákelý mańyzdy boldy. Esimin áli tańdaǵan joqpyz. Elba­sy­nyń esimin bereıik de­sek, joldasymnyń aty da Nursultan», dedi jas ana Dıana Ysqaqova.

Analardy quttyqtaý rási­mi­­­nen keıin Astana qalalyq qoǵam­dyq densaýlyq saqtaý basqar­­masynyń basshysy Qamaljan Nadyrov pen aýrýhana­nyń bas dárigeri Ivan Lı ákimge eki emdeý mekemesiniń arasyndaǵy dıagnostıkalyq ortalyqtyń qabyldaý bólimin ashýǵa qatysty jobany tanystyrdy. 

«Bul halyqaralyq standart­tar­ǵa saı qabyldaý bólimin ashý úshin jasalyp jatyr. Aýa raıy­­nyń qo­laı­syzdyǵyna qa­ra­­mas­­tan naýqasty bir emhanadan ekinshisine kedergisiz tasy­mal­daý­ǵa eki emhana arasynda «áýe» ótpeli joly jasalatyn bolady. Qazir bul joba ázirlený ústinde», dedi Qamaljan Nadyrov.

Bas dáriger Ivan Lıdiń aı­týynsha, kópbeıindi aýrýhana men perzenthanany biriktirgennen keıin sońǵy eki aı ishinde kúrdeli patologııasy bar 20 shaqty áıel emdelgen.

Aıta ketý kerek, osy jyldyń kúzinde № 2 qalalyq kópbeıindi aýrýhana № 1 perınataldy orta­lyq­­pen biriktirilgen bola­tyn. Jyl saıyn atalǵan ortalyqta 12 myńnan asa sábı dúnıege keledi.

Aqmaral AǴZAMQYZY,

«Egemen Qazaqstan»