Jóndelgen jol – 4,5 myń shaqyrym

«Qazaqstannyń avtojol jelilerin damytý men je­til­dirý – basym memlekettik min­detterdiń biri. Avtomobıl jol­darynyń zamanaýı jelisin qurý jáne tıimdi paıdalaný, jol kesheniniń ınfraqurylymy – memleket ekonomıkasynyń ser­pindi damýynyń negizgi tiregi. Ús­timizdegi jyly elimiz boıynsha 4,5 myń shaqyrymnan astam respýblıkalyq mańyzy bar kólik joldary jóndeldi», dedi Investısııalar jáne damý vıse-mınıstri R.Sklıar. Bıylǵy kórmede «Iri qalalar men jaqyn mańdaǵy eldi mekender arasynda kólik qatynasyn damytý boıynsha sharalar qa­byldaý» jáne «О́ńirishilik qaty­nastardy jaqsartý úshin jergilikti joldardy jóndeýge qarjy kólemin 150 mlrd teńgege deıin ulǵaıtý» máselelerine basym­dyq berilip otyr. Bul sharalardy júzege asyrý Prezıdent Nursultan Nazarbaevtyń 2017 jyldyń 31 qańtardaǵy halyqqa Joldaýynda tapsyrylǵan.

Kórmede Qazaqstan, Be­la­rýs, Ýkraına, Reseı, AQSh, Ger­­manııa, Túr­kııa, Qytaı jáne bas­­qa el­­der­diń 100-den asa zamanaýı ǵy­­ly­mı jáne tehnıkalyq ónim­­­deri men materıaldary usy­nyl­dy.

Al «О́ńiraralyq jol ın­fra­qu­­­rylymyn damytýdy she­shý jol­dary» atty ǵylymı-táji­rıbe­lik konferensııada AQSh, Fran­sııa, Túr­kııa, Reseı men Qazaqstannyń bel­gili kom­pa­nııa­larynyń ókil­deri óz elderindegi jol qurylymyna qatysty táji­rıbemen bólisti. 

«2015-2019 jyldarǵa ar­nal­ǵan «Nurly jol» memle­kettik baǵdarlamasy aıasynda bizdiń mınıstrlik avtojoldar, kólik jáne azamattyq avıasııa salalarynda birqatar jobalardy júzege asyrýda. Negizinen avtomobıl joldaryn salý men qaıta jóndeý jumystaryna mán berýdemiz. Atalǵan memlekettik baǵdarlama aıasynda 2015-2017 jyldary respýblıka boıynsha I jəne II deńgeıdegi tehnıkalyq kategorııalarǵa jatatyn 5,9 myń shaqyrym jol salyndy jáne jóndeýden ótti. Sonyń ishinde iske qosylǵan Batys Eýropa –Batys Qytaı kólik dálizi de bar», dedi Investısııalar jáne damý vıse-mınıstri Roman Sklıar.

Onyń aıtýynsha, qazirgi ýa­qytta elimizde jer­gilikti mańy­zy bar­ joldarǵa bólingen qar­jy kólemi –  155,9 mlrd teńge. Onyń 64,3 mlrd teń­gesi res­pýb­lı­kalyq bıýd­jetten qarasty­ryl­ǵan. Bul qara­jatqa óńirler­degi jal­py uzyn­dyǵy 4373 sha­qy­rym­dy quraı­tyn avtomobıl joldaryna jón­deý jumystary júrgiziledi.

Suńǵat ÁLIPBAI,

«Egemen Qazaqstan»