Temirbek Júrgenov atyndaǵy Qazaq ulttyq óner akademııasynyń oqý teatrynda Tuńǵysh Prezıdent kúnine arnalǵan saltanatty keshke mádenı baılanysty keńeıtýge arnaıy kelgen Birikken Arab Ámirlikteri Halyqaralyq mádenı dıplomatııa ınstıtýtynyń tóraǵasy Mýhammed Kamıl Alı Mýeını bastaǵan delegasııa quramy qatysty.
Ustazdar men stýdentter, zııaly qaýym ókilderiniń aldynda sóz sóılegen akademııa rektory Ashat Maemırov óziniń júrekjardy tilegin bildirip, «Memleket basshysynyń elimizdi aıaǵynan tik turǵyzyp, elimizdi álemge tanytýdaǵy eńbegi ushan-teńiz. Ásirese, qazaq eliniń mádenıeti men óneri órkenıetti memleketterdiń qatarynda álemge áıgili bolǵanyn zor maqtanyshpen aıta alamyz. Qazirgi tańda keń baıtaq elimizde Elbasynyń atqarylyp jatqan ıgi ister táýelsiz Qazaqstandy budan da bıik shyńdarǵa kótere bermek» dep atap ótti.
Kesh sońynda Akademııa basshylyǵy men arab eliniń mádenıet ókilderi ekijaqty mádenı baılanystyń yntymaqtastyq baǵyttary jóninde pikir almasty.
Elvıra Serikqyzy,
«Egemen Qazaqstan»