О́ńirlik Kommýnıkasııa Qyzmetiniń uıymdastyrýymen «Dostyq úıinde» «Shotan batyr» derekti fılmi týraly BAQ ókilderine arnalǵan brıfıng ótti. Spıkerler retinde Shotan Nazarulynyń ómiri men batyrlyǵyn tarıhı tuǵyrda jan-jaqty zerttep, qalam tartyp júrgen jazýshylar men professorlar qatysty. Baspasóz májilisinen soń oblys ákiminiń orynbasary M.N.Sqaqovtyń qatysýymen fılm kórsetilip, marapattaý rásimi boldy.
Derekti fılmdi túsirý jumystary 2017 jyldyń 5 tamyzynan bastap, Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamasyn júzege asyrý aıasynda qolǵa alyndy. «Shotan batyr» qoǵamdyq qorynyń tapsyrysymen túsirýshi – jazýshy, halyqaralyq «Alash» ádebı syılyǵynyń laýreaty, halyqaralyq «Túrki álemi» telestýdııasynyń bas dırektory Doqtyrhan Turlybek. Búginde Mańǵystaý oblysy, Qaraǵandy oblysy, Shyǵys Qazaqstan oblysy óńirlerinde túsirilgen «Shotan batyr» fılmi birneshe tilderge aýdarylyp, otandyq jáne túrkitildes memleketterdiń telearnalaryna jol tartty.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy