Fınlıandııanyń Rýka qalasynda ótken frıstaıl-mogýldan álem kýbogi kezeńinde qazaqstandyq Iýlııa Galysheva kúmis medal ıelendi dep jazady Olympic.kz.
Fınalda jerlesimiz 80.17 upaımen ekinshi oryn ıelendi. Birinshi satyda fransııalyq Perrın Laffon. Ol 82.26 upaı jınady. Úzdik úshtikti amerıkalyq Tess Djonson qorytyndylady.
Sondaı-aq, erler arasynda synǵa túsken Dmıtrıı Reıherd besinshi orynnan kórindi.
Eske sala keteıik, Iýlııa Galysheva 2018 jyldyń qorytyndysy boıynsha qysqy sport túrlerinen úzdik sportshy atandy.