Almaty qalasy bilim berý uıymdary tarıh páni muǵalimderiniń qatysýymen «Týǵan jer. Týǵan el. Týǵan global» qalalyq ǵylymı-tájirıbıelik konferensııasy ótti.
«Rýhanı jańǵarý» baǵdarlamasyn júzege asyrý maqsatynda ótken konferensııada tarıh páni muǵalimderiniń tarıhshylar, ádisker ǵalymdarmen, oqýlyqtar jáne oqý-ádistemelik keshender avtorlarymen «Týǵan jer», «Týǵan el», «Qazaqstannyń kıeli jerleri» ulttyq jobalaryn tarıh sabaqtarynda júzege asyrýdyń mazmundyq, ádistemelik, uıymdastyrý máseleleri boıynsha kásibı turǵyda pikir almasty.
Konferensııa jumysyna qatysqan ustazdar ǵylymı aınalymdaǵy ulttyq jobalar tujyrymdamalarynyń oqý baǵdarlamalarynda, oqýlyqtar men oqý-ádistemelik keshenderinde kórinis tabýy, pán barysynda oqytý ádistemesine qatysty kóptegen mazmundy málimettermen tanysty.
Bilim berýdegi jańa tehnologııalardyń qalalyq ǵylymı-ádistemelik ortalyǵy dırektorynyń orynbasary Maksıma Temerbekova, bólim jetekshisi Ákimjan Saılybaev qatysýshylarǵa is-sharanyń tıimdiligin, mazmunyn túsindirip ótti.
Pikirlesý alańy oqyp-úırenýdiń baǵdarlamalyq, ádistemelik múmkindikterin anyqtaýǵa, «Týǵan jer», «Týǵan el», «Qazaqstannyń kıeli jerleri» ulttyq jobalaryn júzege asyrý aıasynda oqýshylardyń jobalyq izdenis jumystaryn uıymdastyrý tehnologııasymen tanysýǵa múmkindik berdi.
Elvıra Serikqyzy,
«Egemen Qazaqstan»
ALMATY