Qyzylorda oblysynyń ákimi Qyrymbek Kósherbaev múmkindigi shekteýli jandardy quttyqtap, avtokóliktiń kiltin tabystady.
«Elbasy-Ult Kóshbasshysy N.Á.Nazarbaevtyń tapsyrmasy boıynsha múmkindigi shekteýli jandarǵa qamqorlyq – eń mańyzdy ulttyq máselelerdiń biri bolyp tabylady. Qazaqstan Birikken Ulttar Uıymynyń Bas Assambleıasymen qabyldanǵan múgedekterdiń quqyqtaryn qorǵaý Konvensııasyna qol qoıdy. Olardyń ómir súrý sapasyn jaqsartý maqsatynda 2013 jyly arnaıy Jol kartasy bekitildi. Jol kartasyna ár eki jyl saıyn tolyqtyrýlar men ózgerister engizilip, ony júzege asyrýǵa bıýdjetten 23 mlrd. teńgeden astam qarjy bólindi. «Jol kartasyna» sáıkes tıisti jumystar júrgizilýde. Bastysy, Sizderdiń ómir súrýge degen qushtarlyqtaryńyz, jumys jasaýǵa degen yntalaryńyz, jetistikke jetem degen jigerlerińiz bolsa, alynbaıtyn qamal joq!», dedi oblys ákimi.
Is-sharada múmkindigi shekteýli belsendi azamattar – sportshylar, ánshiler men bıshiler, eriktiler men kásipkerler marapattaldy. Densaýlyǵynynyń nasharlyǵyna qaramastan olar óz otbasylaryn qamtamasyz etip, respýblıkalyq jáne halyqaralyq jarystarda jeńiske jetip, bir-birine jáne basqa da adamdarǵa kómek, qoldaý kórsetedi. Mysaly, Saǵatbek Súıeýovtyń jetekshiligimen «Jyly júrek» eriktiler toby kishkentaı qyzylordalyq qyzdyń operasııasyna aqsha jınaýǵa kómektesti. Qalalyq qarttar úıine jańa jyldyq kesh jáne merekelik is-shara uıymdastyrdy. Sondaı-aq, ol «Erekshe bıler» jobasy aıasynda horeografııalyq top qurǵan. Amangeldi Sýhanberlıev – aqyn, jazýshy, Qazaqstannyń qurmetti jýrnalısti. Sonymen qatar, densaýlyq saqtaý salasynyń úzdigi, densaýlyq saqtaý salasynyń joǵary sanatty uıymdastyrýshysy. Kúlpash Kúnshyǵarova-ánshi, birneshe qalalyq jáne oblystyq baıqaýlardyń júldegeri, bıylǵy jyly óziniń shyǵarmashylyq keshin ótkizdi.
Sharada jattyqtyrýshylar men joba demeýshileriniń eńbekteri erekshe atap ótildi.
Baqtııar TAIJAN,
«Egemen Qazaqstan»
Qyzylorda oblysy