Oblysqa jumys saparymen kelgen Máýlen Áshimbaev oblys ákimi, partııanyń oblystyq fılıalynyń tóraǵasy Bolat Baqaýovtyń tóraǵalyǵymen partııanyń oblystyq fılıaly partııalyq aktıviniń otyrysyna qatysty.
Partııa Tóraǵasynyń Birinshi orynbasary Máýlen Áshimbaev nurotandyqtardy alda kele jatqan Táýelsizdik kúni merekesimen quttyqtady. Elbasy Joldaýyn júzege asyrý aıasynda partııalyq áriptesterine birqatar mindetter júktedi
- Bizdiń negizgi mindetimiz - Táýelsizdigimizdi odan ári nyǵaıtý, - dedi Máýlen Áshimbaev. - Birinshiden, partııa Joldaýdyń aqparattyq mańyzyn qamtamasyz etetin negizgi kúshke aınalýy kerek. Joldaýdy júzege asyrýdyń árbir adamǵa qandaı jaqsylyq ákeletindigin túsindirgen mańyzdy. Osy oraıda, basty mindetimiz–qoǵamdy Elbasynyń saıasaty aınalasynda uıystyrý bolýy tıis.
- Partııalyqtar Elbasy tapsyrmalarynyń qalaı oryndalyp jatqany týraly ashyq aıtýlary kerek, - dedi M. Áshimbaev.- Partııalyqtar úsh deńgeıli baqylaý júrgizý arqyly Elbasynyń tapsyrmalaryn jer-jerlerde oryndalýyn, Joldaýdy júzege asyrý kezinde qandaı máseleler týyndap jatqandyǵyn esh búkpesiz ashyq aıtyp otyrýy tıis.
Jıynda «Qazaqstan elektrolız zaýyty» AQ Bastaýysh partııa uıymynyń tóraǵasy Rústem Alhanov, «Munaı-hımııa zaýyty» JShS-niń bas dırektory Ospanbek Álseıitov Joldaýda aıtylǵan mindetterdiń oryndalý barysy týraly aldaǵy josparlarymen bólisti.
Oblysqa jasaǵan sapary kezinde Máýlen Áshimbaev S. Toraıǵyrov atyndaǵy oblystyq kitaphanany aralap kórdi.
Oqyrmandarymen kezdesken «Nur Otan» partııasy tóraǵasynyń birinshi orynbasary kitaphanalardaǵy zamanaýı bilim ortalyqtaryn qurý mańyzdylyǵyna toqtalyp ótti.
- Elbasynyń «Rýhanı jańǵyrý» baǵdarlamasynyń máni – jastardyń bilimge degen qushtarlyǵyn arttyrý, - dedi Máýlen Áshimbaev. – Bilimniń negizi kitapta ekeni belgili. Sondyqtan biz osyndaı ıgi isti qolǵa aldyq. Bul – básekege qabiletti, ıntellektýaldy ult qalyptastyrýǵa baǵyttalǵan naqty jumystar.
- Qazirdiń ózinde elimiz boıynsha 782 IT-synyp ashylyp, 30 myńnan astam mektep oqýshylary bilim alýda. Sonyń ishinde Pavlodar oblysynda 20 IT-synyptary ashyldy, - dedi Máýlen Áshimbaev
Budan keıin Máýlen Áshimbaev osy «Rýhanı Jańǵyrý» jobalyq keńsesinde óńirdegi aqyn-jazýshylarmen kezdesti. Kezdesý barysynda aqyn Oralhan Aıbek, oblystyq «Jas Otan» jastar qanatynyń tóraıymy Sanıra Júsipova Elbasynyń «Uly dalanyń jeti qyry» atty maqalasyna qatysty óz oılaryn aıtyp berdi.
Sapar sońynda «Nur Otan» partııasy tóraǵasynyń birinshi orynbasary Máýlen Áshimbaev, oblys ákimi Bolat Baqaýov «Qazhrom «TUK» AQ fılıaly – Aqsý qalasynda ornalasqan Aqsý ferroqorytpa zaýytynda ótken «Laıyqty eńbek – memlekettiń turaqtylyq negizi» atty metallýrgterdiń eńbek ujymdarynyń forýmyna qatysty.
Byltyr ferroqorytpa zaýyty 50-jyldyq mereıtoıyn atap ótti. Jylyna 1,2 mıllıon tonna ferroqorytpa óndiretin álemdegi metallýrgııalyq eń iri kásiporyn. Zaýyt bul kúnderi qalypty, turaqty túrde jumys atqarýda.
Elbasy Joldaýyn júzege asyrýda óndiristiń ár sehy, bólimderi de jańa tehnologııalardy ıgerýde, óńirdiń ekonomıkalyq damýyna úles qosýda. Zaýyttyń óndiristik sehtary jańarý, jańǵyrý jolynan ótýde.
– Aqsý ferroqorytpa zaýyty sapa men senimdiliktiń belgisi ispettes. Eýrazııalyq Toppen ázirlengen zaýyttyń damý strategııasy álemdik tájirıbeler men salanyń ozyq jetistikteri negizinde kásiporynda óndiristi kezeńmen jańartý júzege asyrylýda, - deıdi kásiporyn dırektory Sergeı Prokopev.
Jalpy, «Nur Otan» partııasy qazaqstandyqtardyń eńbek quqyǵyn qorǵaýǵa aıryqsha kóńil bólip keledi. Osydan bir jyl buryn oblys ortalyǵynda partııa elimizdiń Kásipodaqtar federasııasymen О́zara yntymaqtastyq týraly memorandým jasasý jóninde kelisimge keldi.
Bul qujatqa «Nur Otan» partııasy Tóraǵasynyń Birinshi orynbasary Máýlen Áshimbaev pen Kásipodaqtar federasııasynyń tóraǵasy Baqytjan Ábdiraıym qol qoıǵan-dy.
Forým barysynda elimizdiń Kásipodaqtar federasııasynyń tóraǵasy Baqytjan Ábdraıym, zaýyttyń aǵa menedjeri V. Gorbachevalar sóz sóıledi.
Farıda BYQAI,
«Egemen Qazaqstan»
PAVLODAR
Sýretti túsirgen: Valerıı Býgaev