Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva Dúnıejúzilik bankiniń Ortalyq Azııa jónindegi Aımaqtyq dırektory Lılııa Býrýnchýkty qabyldady, dep habarlaıdy Senattyń baspasóz qyzmeti.
Kezdesý barysynda yntymaqtastyqtyń keleshegi zor baǵyttary talqylandy.
D.Nazarbaeva Qazaqstannyń áleýmettik-ekonomıkalyq damýyn qoldaǵany úshin alǵysyn bildirdi. Dúnıejúzilik bank yntymaqtastyq jyldarynda 8 mıllıard dollardan asatyn 40-tan astam jobany qarjylandyrý úshin qaryz bergen bolatyn.
L. Býrýnchýk Dúnıejúzilik banki 2017 jyly Qazaqstanmen qol jetken ýaǵdalastyqtardy saralaýǵa jáne yntymaqtastyqtyń basym baǵyttaryn aıqyndaýǵa baǵyttalǵan elimiz boıynsha turǵyda júıeli taldaý júrgizgeni týraly habardar etti. Qazirgi kezde bizdiń elimizben 2019-2023 jyldarǵa arnalǵan jańa áriptestik strategııasy ázirlenýde. Ol sondaı-aq ózekti máselelerdi atap ótip, birqatar usynystar aıtty. Atap aıtqanda, ekonomıkany ártaraptandyrý, bızneske qolaıly jaǵdaı qalyptastyrý, ekonomıkadaǵy memleket úlesin qysqartý, memlekettik sýbsıdııa berýdiń tıimdiligin arttyrý jaıy qozǵaldy.
Yntymaqtastyqtyń basymdyqtary retinde D.Nazarbaeva memlekettik basqarýdyń tıimdiligin arttyrý, ekonomıkany sıfrlandyrý, bıýdjet zańnamasyn jetildirýdi bólip aıtty. Senator Dúnıejúzilik bankige ındýstrııalyq-ınnovasııalyq damýdyń memlekettik baǵdarlamasynyń tıimdiligine egjeı-tegjeıli taldaý júrgizýdi usyndy. Ekonomıkany ártaraptandyrý baıaý júrýde. Elimiz áli de shıkizat resýrstaryn eksporttaýǵa táýeldi bolyp otyr. «Bizdiń ekonomıkany damytýǵa sapaly serpin berýge kedergi bolyp otyrǵan ózekti máselelerdi anyqtaý úshin beıtarap kózqaras pen kásibı túrdegi tereń taldaý qajet», - dedi senator.
Senat komıtetiniń tóraǵasy bıylǵy qyrkúıekte Astanada ótken Aýǵanstan áıelderiniń quqyqtary men múmkindikterin keńeıtý jónindegi aımaqtyq konferensııa ótkizýdegi Dúnıejúzilik bankiniń úlesin atap ótti. Qazaqstan azamattyq mamandyqtardy oqytý úshin aýǵandyq jastarǵa 50 mıllıon dollar qosymsha grant bólgen bolatyn. Aýǵanstanǵa áıel dáriger daıarlaýǵa erekshe nazar aýdarý kerek. D.Nazarbaeva Aýǵanstandaǵy jaǵdaıdy turaqtandyrý jáne áleýmettik-ekonomıkalyq damýǵa ınvestısııa salýǵa arnalǵan yntymaqtastyq pen kelisimderdi jalǵastyrý kerek, dep sanaıdy.