Petropavl qalasynda «QazRobotıks-2018» halyqaralyq festıvali aıasynda «QazRoboSport» chempıonaty ótti. Jas tehnıkterdiń bul saıysynda Reseı, О́zbekstan, Qyrǵyzstan jáne Qazaqstannan jalpy sany 250 oqýshy baq synasty.
Osy chempıonatta quramynda «Bolashaq» kolledjiniń stýdentteri, N.Nurmaqov atyndaǵy daryndy balalarǵa arnalǵan oblystyq mamandandyrylǵan mektep-ınternattyń, №№39, 16 jáne 83 orta mektepterdiń oqýshylary bar Qaraǵandy oblysynyń komandasy tamasha óner kórsetip, Soltústik Qazaqstan oblysy ákiminiń gran-prı syılyǵyn jeńip aldy. Ekinshi júldege Atyraý oblysynyń ujymy ıe bolsa, úshinshi oryn Batys Qazaqstan oblysynyń komandasyna buıyrdy.
Qaraǵandylyqtardyń jeńisine «Bolashaq» kolledjiniń qosqan úlesi mol. Sebebi, osy oqý ornynyń bazasynda oblystyq irikteý saıystary men komanda músheleriniń daıyndyqtary ótken bolatyn.
– Robot tehnıkasy – bolashaqtyń kásibi. Osy baǵytty damytýǵa eki jylda bizdiń mekeme 4 mln teńgeden astam qarajat bólgen. Bul qarajatqa zamanaýı baǵdarlamalanatyn konstrýktorlar satyp alyndy, – deıdi «Bolashaq» kolledjiniń dırektory, ekonomıka ǵylymdarynyń kandıdaty Ǵaını Mamyraeva.
Qyzyljarda ótken festıvaldiń bas áriptesi Qazaqstan Respýblıkasynyń Tuńǵysh Prezıdenti – Elbasy Qory boldy.
Qaırat ÁBILDA,
«Egemen Qazaqstan»
QARAǴANDY