Oblystyń barlyq aýdandarynda jáne Petropavl qalasynda ótken «Adal jol – Chestnyı pýt " atty sybaılas jemqorlyqqa qarsy júrgizilgen marafon óz máresine jetip, qorytyndysy jarııa etildi.
Aksııa 50 myńnan astam adamdy qamtyp, 300-ge jýyq is-shara ótkizildi. Onyń qorytyndysy boıynsha adal eńbegi jáne memlekettik qyzmettiń tıimdiligin arttyrýǵa qosqan zor úlesi úshin Soltústik Qazaqstan oblysy ákiminiń alǵys hattarymen Tımırıazev aýdanynyń quqyqtyq máseleler jónindegi qurylymdyq bólimshesiniń basshysy Botagóz Bektasova jáne Esil aýdanynyń uıymdastyrý-baqylaý jumysy bóliminiń meńgerýshisi Vadım Krasnoshek marapattaldy.
Aqqaıyń, Esil, Jambyl aýdandary sybaılas jemqorlyqqa qarsy áreket etýge jáne óńir turǵyndarynyń sybaılas jemqorlyqqa qarsy mádenıetin qalyptastyrýǵa, keń aýqymdy aqparattyq-túsindirý jáne mádenı-buqaralyq is-sharalardy uıymdastyrýǵa qosqan úlesi úshin úzdik dep tanyldy.
«BAQ-ta úzdik jarııalanǵany úshin» dıplomdarymen Mamlıýt jáne Ǵ. Músirepov atyndaǵy aýdandar marapattaldy. "Úzdik avtojarys úshin" atalymyna Aıyrtaý jáne Qyzyljar aýdandary ıe boldy. Aqjar jáne Taıynsha aýdandary "Iske shyǵarmashylyq kózqaras" úshin marapattaldy. Al Petropavl qalasy men Tımırıazev aýdany "Úzdik túsindirý jumysy" atalymyn jeńip aldy. "Jumysty uıymdastyrýdaǵy kreatıvti tásil" boıynsha Shal Aqyn, Ýálıhanov jáne M. Jumabaev atyndaǵy aýdandar úzdik shyqty.
О́mir ESQALI,
«Egemen Qazaqstan»
Soltústik Qazaqstan oblysy