Bos bótelkelerden, qoraptardan jáne eski tehnıkadan kıim men aksessýarlardy jasaýǵa bolatyn bolatynyn bilesiz be?
Belgııalyq dızaıner Sebastıan de Nebýr kúnge qarsy kózildirikterdi óndirý úshin sondaı qaldyqtardy paıdalanady. Ol kózildiriktiń móldir jıegin jasaý úshin gazdalǵan sýsyndardyń bankalaryn, aq kózildirik jasaý úshin tońazytqyshtyń bólshekterin, al qara túri úshin avtomobıldiń aspaptar paneliniń bólikterin paıdalanady.
«Meniń oıymsha, qaldyqtardyń paıda bolýy jobalaýdaǵy qatelikterge baılanysty. Bolashaqta qaldyq degen uǵym múlde joǵalatynyna senimdimin. Osy kózildirikterdi jasaý arqyly mundaı jolmen óndirilgen aksessýarlar men kıimderdiń ádemi ári qoljetimdi bolýy múmkin ekendigin kórsetkim keledi», deıdi de Nebýr.
Tom Dıýý da qaldyqtardan kıim jasaıdy. Ol óz brendi úshin djınsydy... qaıta óńdelgen djınsterden jasaıdy. Sondaı-aq matanyń quramyna aǵash jońqasynyń talshyqtary kiredi. Osylaısha, HNST brendiniń ıeleri aıtqandaı, olardyń bir djınsterin jasaýǵa kádimgi shalbarlardy óndirýge qaraǵanda 6000 lıtr sý az jumsalady.
«Mine, biz maqtany shyn máninde qaıdan alamyz?! Bul ósimdikti ósirý úshin kóp sý qajet, sondyqtan biz maqtany eski djınsterden alamyz», dedi Dıýý.
BUU Eýropalyq ekonomıkalyq komıssııasynyń esepteýinshe, sándi ındýstrııa 20% qaldyq sýlardy jáne 10% kómirqyshqyl gazynyń qaldyǵyn shyǵarady. Bul kórsetkish halyqaralyq áýe qatynasy men teńiz keme qatynasynan paıda bolatyn lastaný mólsherinen kóp.
© 2018 EURONEWS
Maqalany aýdarǵan Qarlyǵash QURAMYS,
«Egemen Qazaqstan»