Búgin Premer-Mınıstr Baqytjan Saǵyntaevtyń tóraǵalyǵymen ótken Úkimet otyrysynda aýyl sharýashylyǵy birinshi vıse-mınıstri A. Evnıev 2018 jyldyń 11 aıyndaǵy aýyl sharýashylyǵy salasynyń damý qorytyndylary týraly baıandady, dep habarlaıdy primeminister.kz.
Onyń málimetterine sáıkes, aýyl sharýashylyǵy oń qarqyn kórsetip otyr. A. Evnıev habarlaǵandaı, osy jyldyń 11 aıynda aýyl sharýashylyǵy ónimderiniń óndirisi 2,9%-ǵa artqan. О́sim negizinen mal sharýashylyǵy esebinen qamtamasyz etilgen. Bul saladaǵy ósim 3,9% qurasa, ósimdik sharýashylyǵynda ol 2,3% bolǵan.
AShM habarlaýynsha, bıyl gektaryna 15,1 sentner túsimdilikpen 22,8 mln tonna astyq bastyryldy.
Tirideı salmaqtaǵy et óndirisi – 4,3%-ǵa, sút óndirisi – 3,3%-ǵa, jumyrtqa óndirisi –10,6%-ǵa ósti.
«Tamaq ónimderiniń óndirisi atalǵan kezeńde 1,7%-ǵa artty», — dep baıandady aýyl sharýashylyǵy birinshi vıse-mınıstri A. Evnıev, birqatar óńirlerde tamaq ónimderi men sýsyn óndirisiniń tómendeýi baıqalyp otyrǵanyn atap ótip. Ákimdikterdiń derekterine súıensek, óndiristiń bulaı tómendeý sebepteriniń biri halyqtyń alkogolsiz sýsyndarǵa degen suranysynyń azaıýy bolyp otyr.