Mańǵystaýda 3 pen 6 jas aralyǵyndaǵy balalardy balabaqshamen qamtý kórsetkishi – 84%-ten 97%-ke artty. Kelesi jyly bul kórsetkishti 100%-ke jetkizý negizgi maqsat.
Demografııalyq ósimniń joǵarylyǵyna baılanysty, úsh aýysymdyq oqytýdy boldyrmaý –basty maqsat. Osy baǵytta jańa oqý jylynda jalpy syıymdylyǵy 6300 oryndyq 9 jańa mektep qoldanysqa berildi. Taǵy 4 mekteptiń (syıymdylyǵy 2200 oryndyq) qurylysy 2019-2021 jyldary respýblıkalyq bıýdjetten qarjylandyrýǵa usynyldy.
Oqýshylar kontıngentiniń jyl saıyn 6 myńǵa artýyn esepke ala otyryp, 2019 jylǵa taǵy 14 mektep qurylysy respýblıkalyq bıýdjetten qarjylyndyrýǵa qosymsha usynylady.
О́ńir úshin ózekti máseleniń biri – stýdentterdi jataqhanamen qamtý. Jalpy qajettilik 1600 oryn, onyń ishinde 550 oryndyq 2 jataqhana táýelsizdik merekesine oraı, paıdalanýǵa beriledi.
Densaýlyq saqtaý salasynda memlekettik-jekemenshik áriptestik mehanızmin keńinen qoldaný qolǵa alyndy (mysaly: Jańaózen qalasyndaǵy gemodıalız ortalyǵy, Mańǵystaý oblystyq jáne Beıneý aýdandyq aýrýhanalarynda kompıýterlik tomograf ornatý, densaýlyq saqtaý uıymdarynda ÝZI ornatý). Oblys ortalyǵynda Ana men bala óńirlik Ortalyǵy qoldanysqa berildi. 2012jyldan beri qurylysy uzaqqa sozylǵan onkologııalyq ortalyqtyń qurylysy jer qoınaýyn paıdalanýshy kompanııa qarjysy esebinen (NCOC – 7 mlrd.teńge, merdiger – Evrostroı) qazan aıynda qaıtadan bastaldy.
Mańǵystaýda «Sandyq Qazaqstan» baǵdarlamasy boıynsha jobalar iske asyrylýda. Oblysta ekonomıkanyń barlyq salasyn qamtıtyn sıfrlandyrýdyń jol kartasy bekitildi. Oblystaǵy bilim jáne densaýlyq uıymdarynyń barlyǵy keń jolaqty ınternetpen qamtyldy.
Qoǵamdyq qaýipsizdikti qamtamasyz etý salasynda «Qaýipsiz qala» jobasy aıasynda 600 beınebaqylaý kameralary ornatylady. Pılottyq rejımde Aqtaý qalasynda 10 úı «E-shańyraq» aqparttyq júıesine qosyldy.
Atalǵan úılerde jylý, sý, elektrdiń naqty esebin júrgizetin avtomattandyrylǵan júıe ornatylyp, prıborlardan kórsetkishter onlaın tártibinde alynady.
«Qazaqtelekom» kompanııasynyń qoldaýymen oblystyń barlyq eldi mekenderi ınternet jelisimen tolyqtaı qamtyldy, onyń jyldamdyǵyn arttyryldy. О́ndiristik kásiporyndary (munaı kompanııalary) óndirý prosesin arttyrý jáne avtomattandyrý maqsatynda ken oryndarynda sıfrlyq elementter engizdi. Respýblıkada oblysymyz birinshi bolyp 1 qazannan bastap tolyqtaı sıfrlyq teletaratýǵa kóshti.
О́nerkásiptik kásiporyndar (munaı kompanııalary) óndiristik prosesti avtomattandyrý maqsatynda ken oryndarynda sandyq elementterdi engizedi.
«Rýhanı jańǵyrý» baǵdarlamasy boıynsha 2017-2018 jyldary quny 20 mlrd.teńgeniń 333 jobasy iske asyryldy (bıýdjet esebinen – 1 mlrd.teńge, demeýshiler qarjysy – 19 mlrd. teńge).
Bıyl «Atameken» kishi baǵdarlamasy boıynsha (57 is-shara, 5 mlrd.teńge) – 19 mektep kompıýterlermen jabdyqtalyp, 15 sport alańdary, 4 mektep janynan jylyjaılar, teńiz jaǵalaýynda «Jartasty soqpaq» (Skalnaıa tropa) nysany jáne amfıteatr salyndy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy