Temirbek Júrgenov atyndaǵy Qazaq ulttyq óner akademııasynda Qazaqstandaǵy «О́ner» baǵyty boıynsha JOO ókilderiniń qatysýymen respýblıkalyq oqý-ádistemelik birlestiginiń keńesi ótti.
Oqý-ádistemelik birlestiginiń quramyna «О́ner» baǵyty boıynsha jumys berýshileriniń, úkimetaralyq uıymdardyń, shyǵarmashylyq odaqtardyń ókilderi arnaıy shaqyrylǵan kóshpeli jıyny barysynda keńes músheleri óner mamandyqtaryn ulttyq ónermen tyǵyz baılanystyratyn ınnovasııalyq bilim berýdiń jańa ádistemelerin, oqý-ádistemelik jumystardy uıymdastyrý, zamanaýı bilim berý tehnologııalary, t.b. máseleler tóńireginde pikir almasty.
О́ner akadmııasy úshin Elbasynyń «Uly dalanyń jeti qyry» baǵdarlamalyq maqalasy jańa maqsattarǵa jol ashady. Zamanaýı álemde ulttyq sanany qalyptastyryp, halqymyzdyń tarıhyn dáripteýde atqarylatyn ıgi ister mol. Maqala tujyrymdamasy ulttyq pedagogıkanyń, ǵylymnyń, mádenıet pen ónerdiń damýyna shyǵarmashylyq serpin beredi.
Osy baǵytta Qurmanǵazy atyndaǵy Qazaq ulttyq konservatorııasynyń rektory Arman Júdebaev «Bilim berý júıesiniń modernızasııa jaǵdaıyndaǵy shyǵarmashylyq JOO» taqyrybynda baıandama jasap, bilim berý júıesinde bolyp jatqan mańyzdy ózgerister, daıyndyqtyń barlyq deńgeıleri men baǵyttary, shyǵarmashylyq bilim berý júıesiniń belsendiligi turǵysynda tushymdy pikirler bildirse, ózge qatysýshylar elimizdegi joǵary oqý oryndarynyń mańyzy men shyǵarmashylyq mamandyqtardyń sapasy, keleshegi týraly pikirlerimen bólisti. Oqý-ádistemelik birlestik músheleriniń pikirinshe, otyrysta qabyldanǵan usynystar jahandyq básekege qabilettilik jaǵdaıynda bilim berý baǵdarlamalaryn joǵary dárejege jetkizýge múmkindik beredi.
Elvıra SERIKQYZY,
«Egemen Qazaqstan»
ALMATY