Búgin Google Qazaqstan bıyl eń kóp qoıylǵan suraýlardyń qorytyndysyn jarııalady.
Qazirgi tańda Larrı Peıdj ben Sergeı Brın 1998 jyly qurǵan Google kompanııasynda dúnıejúzi boıynsha 50 myńnan asa qyzmetker jumys isteıdi. Ol óz kezeginde Google Izdeý, Kartalar, AdWords, Gmail, Android, Chrome men YouTube syndy ónimder men platformalardyń keń aýqymyn usynady. Sondaı-aq Google kompanııasy 2015 jyly Alphabet holdıngtik kompanııasynyń quramyna kirdi.
Jyl saıyn dástúrli túrde jyldyń aıaǵynda bul kompanııa Google-dan qazaqstandyqtardyń ne suraǵanyn anyqtaý úshin mıllıondaǵan izdeýdi taldaıdy.
О́tken jyly Qazaqstanda Google arqyly eń áıgili izdeý-suranym Reseıde ótken fýtboldan álem chempıonaty, ıaǵnı «2018 ÁCh» boldy. Sonymen birge suranymdardyń birinshi ondyǵynda Kúndelik – elektrondy kúndelik, «Major» serıalynyń túrli maýsymdary, «Rýblevkan shyqqan polısııa qyzmetkeri», «Aqqan juldyzdar baǵy» jáne «Boıdaq» TD – shoýy bar. Sonymen birge qazaqstandyq kórermenderdi 2018 jyldyń beıne fılmderi, qazaqsha – oryssha elektrondy aýdarmashy men bıylǵy Orazanyń aýyz bekitý kesteleri qyzyqtyrǵan.
«Jyl adamy» – Qazaqstannyń ataqty mánerlep syrǵanaýshysy – Denıs Tenniń qazasy boldy. Ekinshi orynda – Xxxtentacion, ol ótken jyldyń jazynda qaza bolǵan Loderhılldan shyqqan amerıkandyq reper. Kóshbasshylar úshtigin UFC aıasynda óner kórsetetin Habıb Nýrmagomedov jabady. Sonymen birge qazaqstandyqtar Stıven Hokıng, Megan Markl, Sten Lı, Konor Makgregor, Iosıf Kobzon, Horvatııa Prezıdenti men Oleg Tabakov jaıly aqparattardy izdegen.
Beıne fılmder arasynda 2018 jyly bezbúırek «Venom» týraly kınokomıks kóshbasshy boldy. Sonymen birge bul ondyqqa «Kekshilder» komıkstar negizindegi birneshe beıne fılmder kirdi: «Sheksizdik soǵysy», «Dedpýl 2» jáne «Qara pantera». Sonymen birge qazaqstandyqtar «Demalystaǵy qubyjyqtar 3» mýltfılmi týraly, «Sur tústiń 50 ózgesheligi» romanynyn ekranǵa túsirý jalǵasyn, «Joǵaryǵa qozǵalys» sporttyq drama jáne «Fantastıkalyq maqulyqtar: Grındelvald qylmystary» fantastıkalyq beıne fılmi týraly aqparat izdegen. Otandyq fılmderden ondyqqa «Amerıkadaǵy qazaqsha bıznes» jáne «Aǵa jáne neke» komedııalary kirdi.
«Jyl serıaly» kategorııasynda «Major 3» pen «Rýblevkadan shyqqan polısııa qyzmetkeri», «Aqqan juldyzdar baǵy», «Ivanovtar Ivanovtar» jáne «Grand Lıon» serıaldary suranysta bolǵan.
Google paıdalanýshylarynyń arasynda Qazaqstanda eń tanymal TD – shoýy «Boıdaq» shoýynyń 6 maýsymy boldy. Sonymen qatar, qazaqstandyqtar «TNT – daǵy ánder», «Býzovaǵa turmysqa shyǵý», «Kóripkelder kúresi» 19 maýsymy, «Evrovıdenıe 2018» jáne «Úı 2» shoýlaryn izdegen. Qazaqstandyq TD-shoýlarynyń ishinen «Qalaýlym» shoýy qyzyqtyrǵan.
«Jyl satyp alýy» kategorııasynda taǵy da temirjol bıleti alda. Sonymen birge qazaqstandyqtar Almaty qalasynan úı satyp alýdy, ushaqqa jáne kınoǵa bıletter satyp alý, velosıped pen Qaraǵandyda páter satyp alý týraly aqparattardy jıi izdegen.
Aınash ESALI,
«Egemen Qazaqstan».
ALMATY