Áıelderge qatysty ár túrli álimjettikterdi joıý jónindegitýraly Konvensııaǵa sáıkes Qazaq memlekettik qyzdar pedagogıkalyq ýnıversıtetinde «Áıelderge qatysty zorlyq-zombylyqsyz 16 kún» aksııasy ótti.
Áleýmettik jáne genderlik ǵylymı-zertteý ınstıtýty uıytqy bolǵan atalmysh sharanyń dittegeni – áıelderdiń teńdigine, qaýipsizdigi men bostandyǵyna qatysty quqyqtar men qaǵıdalardy jan-jaqty talqylaý, naqty sharalar qabyldaý.
Názik jandylardyń laıyqty ómir súrýi úshin qolaıly jaǵdaı jasaý, quqyqtyq saýattylyqty arttyrý oraıynda aqparattyq-túsindirý jumystaryn júrgizý de osy aksııa aıasynda qarastyryldy.
– Áıelderge qatysty zorlyq-zombylyq álemniń barlyq aımaǵynda taralǵan jáne kez kelgen qoǵamda kezdesetin jaǵdaı. Názikjandylarǵa qatysty zorlyq-zombylyq máselesi tek násilin, áleýmettik ortasyn, shyǵý tegin ǵana ǵana qatysty emes, ıaǵnı basqa jaǵdaılardan da týyndaıdy. Turmystaǵy zorlyq-zombylyq máselesin damyǵan memleketterdiń ózi jeńe almaı keledi. Bul qubylysty toqtatý joldaryn qoǵam sheshýge tyrysady, – deıdi shara uıymdastyrýshylary.
Qyzdar ýnıversıtetindegi 16 kúnge sozylǵan aksııada jalpyýnıversıtettik dóńgelek ústelder, aqparattyq-tanymdyq dárister men kezdesýler uıymdastyryldy.
Aınash ESALI,
«Egemen Qazaqstan»
ALMATY