Elbasy birqatar mem­le­ket­tiń elshilerinen Senim gramotasyn qabyldady

Rásim barysynda Prezıdent N.Nazarbaevqa Aýǵanstan Is­lam Respýblıkasynyń elshisi Moham­mad Farhad Azımı, Qyrǵyz Respýblı­kasynyń elshisi Jeenbek Kýlýbaev, Lıtva Respýblıkasynyń elshisi Gıntaýtas Vasıýlıs, Iran Islam Respýblıkasynyń elshisi Madjıd Samadzade Saber, Armenııa Respýblıkasynyń elshisi Gagık Galachıan Senim gramotasyn tabys etti.

Nursultan Nazarbaev elshilerdi Qazaqstandaǵy dıplomatııalyq qyz­met­teriniń resmı túrde bastalýymen quttyqtap, búgingi saltanatty rásimniń Táýelsizdik kúni qarsańynda ótýiniń sımvoldyq mánine toqtaldy.

– Biz 27 jyl ishinde ekonomıkasy qarqyndy ósip kele jatqan zamanaýı memleketke aınaldyq. Búginde elimizde beıbitshilik pen qoǵamdyq kelisimdi qamtamasyz etip, halyqtyń ál-aýqatyn arttyrýǵa basa mán beremiz. Álemniń ozyq damyǵan 30 eliniń qataryna qosylý maqsatymen aýqymdy baǵdarlamalar men reformalardy júzege asyryp kelemiz, – dedi Qazaqstan Prezıdenti.

Elbasy azamattardyń turmys sapasyn jaqsartý memlekettik saıasattyń negizgi baǵyttarynyń biri ekenin aıtty.

Memleket basshysy Qazaqstannyń ha­lyqaralyq jáne óńirlik qaqty­ǵys­tardy sheshý jónindegi qyzmetine erekshe toqtalyp, sonyń bir aıǵaǵy re­tinde Sırııada beıbitshilik ornatýǵa ba­ǵyt­talǵan «Astana prosesin» atap ótti.

– Álemde áskerı qaqtyǵys oshaqtary kóbeıip, sanksııalyq teketires pen saý­da soǵysy órship turǵan jaǵdaıda ózara senim bolmasa, daǵdarysqa qarsy kez kelgen is-qımyldyń oń nátıjesi bolmaıdy, – dedi Nursultan Nazarbaev.

Memleket basshysy elimizdiń Qyrǵyz Respýblıkasymen saýda-ekono­mı­kalyq yntymaqtastyq pen dostyq qaty­nastardy odan ári damytýǵa nıetti ekenine toqtalyp, bul el Ortalyq Azııa­daǵy mańyzdy áriptesimiz ǵana emes, sondaı-aq tarıhı tamyrymyz tereńge jaıylǵan baýyrlas memleket bolyp sanalatynyn aıtty.

– Biz Qyrǵyzstanmen dostyqqa jáne ózara túsinistikke negizdelgen strategııalyq áriptestikti damytýǵa aıryqsha mán beremiz. Úkimetterimizdiń osy baǵyttaǵy tıimdi jumysy eki el arasyndaǵy qarym-qatynastardy jańa belesterge kóteredi dep senemin, – dedi Qazaqstan Prezıdenti.

Nursultan Nazarbaev Armenııamen saıası, saýda-ekonomıkalyq jáne gýmanıtarlyq yntymaqtastyq ózara senim men qurmet rýhynda damyp kele jatqanyn aıtyp, Astana men Erevannyń Eýrazııa ekonomıkalyq odaǵy aıasyndaǵy baılanystarynyń perspektıvasyna erekshe toqtaldy.

– Sońǵy jyldary ózara taýar aı­nalymynyń kólemi artyp keledi. 2017 jyldyń qorytyndysy boıynsha bul kórsetkish 68,4 paıyzǵa jetti. So­nymen qatar elderimizdiń saýda-ekono­mıka salasyndaǵy áleýetin tolyq paı­dalanǵan mańyzdy, – dedi Memleket bas­shysy.

Nursultan Nazarbaev Iran óńirdegi Qazaqstannyń mańyzdy seriktesi sanalatynyn aıtyp, Tegeranmen kólik, logıstıka, aýyl sharýashylyǵy, paıdaly qazbalar óndirý jáne metallýrgııa salalaryndaǵy yntymaqtastyq aıasyn keńeıtý qajettigine nazar aýdardy.

– Aqtaýda qol qoıylǵan Kaspıı teńiziniń quqyqtyq mártebesi týraly konvensııa elderimiz arasyndaǵy ózara yqpaldastyqty nyǵaıtýǵa tyń serpin beretinine senimdimin. Biz Irannyń ıadrolyq baǵdarlamasyna qatysty halyqaralyq kelisimniń saqtalýyn jáne onyń ári qaraı tıimdi júzege asyrylýyn quptaımyz, – dedi Qazaqstan Prezıdenti.

Memleket basshysy elimizdiń Aýǵanstanmen qarym-qatynasy dostyq pen ózara túsinistik rýhynda ilgerilep kele jatqanyna toqtalyp, Qazaqstan bul eldegi jaǵdaıdy turaqtandyrýǵa, ony áleýmettik-ekonomıkalyq tur­ǵydan damytýǵa eleýli úles qo­syp otyrǵanyn atap ótti.

– Biz Birikken Ulttar Uıymy Qaýipsizdik Keńesiniń múshesi retinde Aýǵanstan máselelerin sheshýge atsalysyp kelemiz. Kabýlǵa jyl saıyn qarjylaı, tehnıkalyq jáne gýmanıtarlyq kómek kórsetilýde. Aýǵan jas­taryna arnalǵan bilim berý baǵ­dar­lamasy júzege asyrylýda. Sondaı-aq biz Kabýlǵa azyq-túlik taýarlaryn jetkizetin negizgi elderdiń biri bolýǵa ázirmiz, – dedi Nursultan Nazarbaev.

Qazaqstan Prezıdenti elimizdiń Lıtvamen yq­pal­das­tyǵynyń búgingi deńgeıin jo­ǵary baǵalap, kólik-tran­zıt sala­syndaǵy ynty­maqtastyq, sondaı-aq Astana men Vılnıýs arasynda tikeleı áýe qatynasynyń ashy­lýy ekijaqty baılanysty odan ári nyǵaıtýǵa múmkindik be­retinin aıtty.

Sońynda Memleket basshysy elshilerdi Qazaqstandaǵy jaýapty ári mártebeli mıssııalarynyń bastalýymen taǵy da quttyqtap, olardyń qyzmetteri elderimiz ara­syndaǵy yntymaqtastyqty da­mytýǵa zor úles qosatynyna se­nim bildirdi.

Budan keıin Qazaqstanda dıp­lomatııalyq mıssııalary jańadan bastalǵan elshiler jýrnalısterge arnap brıfıng ótkizdi.

Birinshi kezekte sóz alǵan Aý­ǵanstan Islam Respýb­lı­ka­sy­n­yń elshisi Mohammad Farhad Azımı Qazaqstan halqyna óz eliniń ystyq sálemin joldaı oty­ryp, eki eldiń ózara ynty­maqtastyǵy jyl ótken saıyn ny­ǵaıyp kele jatqanyn jetkizdi. Sondaı-aq ol Qazaqstan tarapy Aýǵanstanǵa túrli baǵyttar bo­ıyn­sha úlken qoldaý kórsetip ke­le jat­qanyn atap ótti ári elimizdi ulyq merekemiz − Táýel­sizdik kú­nimen quttyqtady.

Qyrǵyz Respýblıkasynyń elshisi Jeenbek Kýlýbaev Qa­zaq­stan-Qyrǵyzstan baılanys­tary óz deńgeıinde ekenin, tarap­tardyń arasyndaǵy saýda-ekonomıkalyq jáne gýma­nı­tar­lyq baǵyttardaǵy qarym-qaty­nas eki eldiń ózara ynty­maq­tastyǵyn kórsetetinin sóz etti. Onyń aıtýynsha, Qazaq­stan­nyń shetelden ınvestısııa tar­tý, ekonomıkany sıfrlandy­rý, klasterler qurý isindegi mol tájirıbesi Qyrǵyzstan úshin asa mańyzdy. Budan bólek, ol baýyrlas memleketterdiń ara­syndaǵy rýhanı baılanystyń ta­rıhy joǵary deńgeıde jal­ǵa­syn taýyp otyrǵanyn aıta kelip, belgili jazýshy Shyńǵys Aıtmatovtyń 90 jyldyq mereıtoıy Qazaqstanda keń kólemde atalyp ótkenin, onyń esimi Astana kósheleriniń birine berilgenin, bul sharalarǵa Prezıdent Nur­sultan Nazarbaevtyń basa nazar aýdarǵanyn jetkizdi.

Sondaı-aq brıfıngte Lıtva Respýblıkasynyń elshisi Gın­taýtas Vasıýlıs, Iran Islam Res­pýblıkasynyń elshisi Mad­jıd Samadzade Saber, Armenııa Res­pýblıkasynyń elshisi Gagık Galachıan óz elderiniń Qazaq­stan­men yntymaqtastyǵyn odan ári arttyra túsýge kúsh-jigerlerin jumsaıtynyn jetkize kelip, barsha qazaqstandyqtardy alda kele jatqan Táýelsizdik merekesimen quttyqtady.

Joldybaı BAZAR,

«Egemen Qazaqstan»