Qazaqstan Ortalyq saılaý komıssııasynyń keńeıtilgen otyrysy ótti

Otyrysta múmkindikteri shekteýli azamattardyń saılaý quqyqtaryn qamtamasyz etý jónindegi usynymdar týraly jáne jergilikti atqarýshy organdardyń 2018 jylǵy 28 qazandaǵy máslıhattardyń shyǵyp qalǵan depýtattaryn saılaý qorytyndylary boıynsha múmkindikteri shekteýli azamattardyń saılaý quqyqtaryn qamtamasyz etý jónindegi «Qazaqstan Respýblıkasyndaǵy saılaý týraly» Konstıtýsııalyq zańnyń talaptaryn iske asyrý jónindegi máseleler qaraldy.

Otyrys beınebaılanys rejiminde Májilis depýtaty J.Omar­­be­ko­vanyń, Ádilet, Eń­bek jáne halyqty áleýmettik qorǵaý mınıstr­likteriniń, Adam quqyqtary jónin­degi ulttyq ortalyq ókilderiniń, ob­lystardyń, Astana, Almaty, Shymkent qalalary ákimderi orynbasarlarynyń, ke­ńes­shileriniń, jumyspen qamtý jáne halyqty áleýmettik qorǵaý­dy úılestirý bas­qarmalary basshy­la­rynyń, sondaı-aq úkimettik emes jáne halyqaralyq uıymdar ókilderiniń qatysýymen ótti.

Otyrysty ashqan K.Petrov BUU-nyń Múgedekterdiń quqyqtary jó­nindegi konvensııasy adam qu­qyq­taryn qorǵaý salasyndaǵy basty qujattardyń biri bolyp tabylatynyn atap kórsetti. Osyǵan sáıkes 2018 jyly saılaý zańnamasyna mú­ge­dekterdiń saılaý quqyqtary boıynsha mańyzdy tolyqtyrýlar engizildi. Atap aıtqanda, olar ýchaskelik saılaý komıssııalarynyń múmkindikteri shek­teýli azamattardyń saılaý quqyqtaryn iske asyrý boıynsha qajetti sharalar qabyldaý, jergilikti atqa­rýshy organdardyń saılaý komıs­sııalaryna múmkindikteri shekteýli azamattardyń saılaý quqyq­taryn qamtamasyz etý jónindegi ju­mysta járdemdesýi jáne daýys be­rýge arnalǵan úı-jaılardy jabdyq­taý kezinde múmkindikteri shek­teýli azamattar bolyp tabylatyn saı­laý­shylardyń kedergisiz kirýi jáne onda daýys berýi úshin jaǵdaılardy qamtamasyz etýi máselelerine qatys­ty boldy.

Otyrysqa qatysýshylardyń qa­raýyna usynylǵan Múmkindikteri shekteýli azamattardyń saılaý quqyqtaryn qamtamasyz etý jónindegi usynymdardyń jobasyn Ortalyq saılaý komıssııasynyń jumys toby ázirledi, jurtshylyqpen múddeli tul­ǵalardyń tanysýy úshin OSK-nyń saıtynda ornalastyryldy já­ne aldyn ala aýmaqtyq saılaý ko­mıs­sııalaryna, Astana, oblystar, respýb­lıkalyq mańyzy bar qalalar ákim­deriniń keńesshilerine jiberildi.

Osy usynymdardy qabyldaýdyń maqsaty – saılaý komıssııalarynyń, jergilikti atqarýshy organdardyń, basqa da memlekettik jáne mem­le­kettik emes organdardyń, qoǵam­dyq birlestikterdiń Qazaqstan Res­pýblıkasynyń múmkindikteri shek­teýli azamattary úshin olardyń saılaýshylar, saılanbaly laýazymdarǵa, sondaı-aq saılaý  komıssııalary quramdaryna kandıdattar retindegi quqyqtaryn iske asyrýǵa yqpal ete­tin qajetti jáne jetkilikti jaǵdaılar jasaý jónindegi ózara is-qımylyn qamtamasyz etý.

Ekinshi másele boıynsha sóz sóı­legender jergilikti atqarýshy  organ­dardyń 2018 jylǵy 28 qazan­daǵy shyǵyp qalǵan máslıhat depý­tat­tarynyń ornyna saılaýdan keıin múgedekterdiń quqyqtaryn qamta­masyz etý boıynsha atqarylǵan jumys týraly málimdedi.

Keńeıtilgen otyrysqa qatysýshy­larmen pikir almasý barysynda óńir­lerden qosymsha usynystar kelip tústi, olar usynymdardy qabyldaý kezinde eskeriletin bolady.

Joldybaı BAZAR,

«Egemen Qazaqstan»