Tulymshaǵy jelbiregen Ámına Japar taǵy da top jardy. Elimizde eń aýqymdy mýzykalyq joba sanalatyn «Bala daýysy» ulttyq baıqaýynda birinshi oryndy jeńip alyp, Máskeý qalasynda ótetin aıtýly «Zvezdnyı chas» halyqaralyq baıqaýyna joldama aldy.
Irikteý kezeńine Qazaqstannyń barlyq óńirlerinen 4 myńǵa jýyq balapan ánshiler jınalyp, 19-y ǵana aqtyq synǵa ótti. Maıra Muhamedqyzy, Jeńis Seıdollauly, Janar Duǵalova syndy tanymal ónerpazdar qazylyq etken dodada Ámına kúshti daýsymen, dıapazonynyń keńdigimen tańdandyrdy.
Shynashaqtaı qyzdyń juldyzdaı jarqyraǵan sátteri az emes. Erekshe este qalǵany–«Aıalaǵan Astana-2017» baıqaýy. Onda V.Soıdyń «Kýkýshka» ánin naqyshyna keltire oryndaǵanda, zaldaǵy kórermen qaýym oryndarynan tik turyp qol soǵypty. Qazylar 50 upaıdan 49 upaı bergen. On jastaǵy oqýshynyń eshkimge uqsamaıtyn tunyq daýsy keremet tánti etken. Sonda onyń «men ózimniń kópbalaly otbasynan shyqqanymdy maqtan etemin. Eń aldymen ata-anama qaryzdarmyn. Úsh sińlim – jaqyn qurbylarym. Baıqaýdaǵy ónerimdi sińlim Lemınaǵa arnaımyn. Ony emdetkim keledi» degen sózderin estigen jurtshylyqtyń kóńili bosap, armanynyń oryndalýyna tilektestik bildirgen. Osylaısha Gran-prıdi qanjyǵaǵa baılaǵan jerlesimiz «Detskaıa volna» baıqaýyna jol tartty. Munda da kásibı ánshilershe sahnada ózin erkin ustady. Qazaqstannyń namysyn abyroımen qorǵady.«Kórermender kózaıymy» atalymy boıynsha arnaıy syılyqty ataqty ánshi Lev Leshenkonyń ózi tapsyrdy.
О́nerli áýlet ortasynda tárbıe alǵan ol jastaıynan ánge ǵashyq bolyp ósti. Talant qyrynyń búr jarýyna zor yqpal jasaǵan ata-anasyna, ustazdaryna alǵysy sheksiz. Qazir ony án álemine reseılik tanymal prodıýser Lına Arıfýllına baýlyp júr. Endigi maqsaty – reseılik kórermenderin taǵy bir tánti etý.
О́mir ESQALI,
«Egemen Qazaqstan»
Soltústik Qazaqstan oblysy