Bul kúnderi «Almaty Arena» sport kesheninde II Jalpyulttyq kerlıng festıvali ótip jatyr. Aıtýly jarysta Almaty qalasy men respýblıkamyzdyń toǵyz oblysynan kelgen komandalar sapynda 300-ge jýyq sportshy óner kórsetýde.
Jarystyń ashylý saltanatynda Almaty qalasy Dene shynyqtyrý jəne sport basqarmasynyń bastyǵy Rústem Baıseıitov, Astana qalasy kerlıng federasııasynyń vıse-prezıdenti Gúlmıra Turlyhanova jəne Mańǵystaý oblysy kerlıng federasııasynyń prezıdenti Mıhaıl Ýstınov sóz sóılep, sportshylarǵa səttilik tiledi.
Elimizde kerlıngtiń bedeli ýaqyt ozǵan saıyn artyp kele jatqanyna san myń jankúıer kýá. Bul joly biz keshendi týrnır ótkizýdi jón kórdik. 9 jeltoqsanda bastalǵan básekeler 21 jeltoqsanǵa deıin sozylady. Sol ýaqyt aralyǵynda jasóspirimder birinshiligi men Almaty qalasynyń ashyq chempıonaty barysynda myqtylar anyqtalady. Festıval aıasynda biz nusqaýshylarǵa semınar ótkizip, kembaǵal jandar, estý jáne sóıleý qabileti nashar adamdarǵa kerlıng úıretemiz. Sonymen qatar, qysqy sport túrlerinen Olımpıadalyq daıarlaý ortalyǵynyń jastar komandasy jelisi boıynsha oqý-jattyǵý jıyny uıymdastyrylýda. 2019 jyldyń aqpan aıynda Qazaqstan Respýblıkasynyń III qysqy Jastar oıyny ótetini ózderińizge málim. Sol jarystyń baǵdarlamasyna kerlıng te kirgen. Sol básekelerde tabysty óner kórsetken órender aldaǵy ýaqytta halyqaralyq dodalarda el namysyn qorǵaıtyn bolady, – deıdi Qazaqstan kerlıng qaýymdastyǵynyń bas hatshysy Vıktor Kım.
Ǵalym SÚLEIMEN,
«Egemen Qazaqstan»
ALMATY