Qaraǵandy oblystyq máslıhatynyń HH sessııasynda depýtattar aımaqtyń damýyna eren úles qosqan úsh ardagerge, atap aıtqanda Muzaraf Ahanov, Qasymbek Medıev jáne Grıgorıı Prezentke «Qaraǵandy oblysynyń qurmetti azamaty» ataǵy berilýin biraýyzdan qoldady.
Muzaraf Ahanov uzaq jyldar Jezqazǵan aımaǵynda geologııalyq barlaý salasynda qyzmet etti. Akademık Qanysh Sátbaevtyń jetekshiligimen Jezqazǵan ken ornynda polımetalldyq qordyń bas esepteýlerin jasaýǵa qatysqan. Nıkolsk halyq depýtattary Keńesiniń atqarýshy komıtetin basqarǵan. Sátbaev qalasynyń qurmetti azamaty.
Memleket jáne qoǵam qaıratkeri Qasymbek Medıev jetekshilik qyzmetterdi atqardy. QR Eńbek sińirgen qaıtarkeri. Shet aýdanynyń ákimi, Qaraǵandy oblystyq máslıhatynyń hatshysy bolǵan. «QR Máslıhat depýtattarynyń qaýymdastyǵy» respýblıkalyq qoǵamdyq birlestiginiń ortalyq keńesin basqarǵan.
Kómir salasynyń ardageri Grıgorıı Prezent uzaq jyldar Kostenko shahtasynda eńbek etken, óndirýshi ýchaske bastyǵynyń kómekshisinen bastap dırektor laýazymyna deıingi eńbek jolyn ótken. «Qaraǵandykómir» О́B bas dırektory, «Ispat-Karmet» AAQ kómir departamentiniń atqarýshy dırektory boldy. QR Jaratylystaný ǵylymdary akademııasynyń akademıgi. Shahtınsk qalasynyń qurmetti azamaty.
Qaırat ÁBILDA,
«Egemen Qazaqstan»
Qaraǵandy