«BUU Adam quqyqtary Jalpyǵa ortaq Deklarasııasynyń» 70 jyldyǵyna oraı «Ál-Farabı» kitaphanasynda IýNESKO, halyqaralyq jýrnalıstıka jáne qoǵamdyq medıa kafedrasy, Turaqty damý jónindegi IýNESKO kafedrasy, Pan Gı Mýn atyndaǵy Turaqty damý ınstıtýty uıymdastyrýymen arnaıy keńes ótti.
BUU qyzmetine qatysty máselelerdi talqylaý onlaın tártibinde uıymdystyryldy. Pikirtalasqa Almatydaǵy QR Syrtqy ister mınıstrliginiń, BUU, UNESCO, UNDP, UNAI bólimsheleriniń basshylary men ókilderi, Qazaqstan joǵary oqý oryndarynyń jas ǵalymdary, magıstranttary men doktoranttary qatysty.
Dóńgelek ústeldiń saltanatty bóligin Pan Gı Mýn atyndaǵy Turaqty damý Instıtýtynyń dırektory, professor Rafıs Abazov ashyp, BUU modeli - Jańa jibek joly sııaqty Qazaqstan jastar qurylymdarynyń Ortalyq jáne Ońtústik Azııadaǵy beıbitshilikti nyǵaıtý jáne adam quqyǵyn saqtaý jónindegi qyzmetine taldaý jasady.
Almatydaǵy IýNESKO Klasterlik bıýrosynyń áleýmettik jáne gýmanıtarlyq ǵylymdar sektorynyń mamany Arına Mıasoed óz sózinde IýNESKO, halyqaralyq jýrnalıstıka jáne qoǵamdyq medıa kafedrasy men Turaqty damý jónindegi IýNESKO kafedrasyna jastardyń problemalary men quqyqtaryna udaıy nazar aýdaryp otyrǵandary úshin alǵys aıtyp, uıym jumysyna keńinen toqtaldy.
Qazaqstandaǵy BUU Qoǵamdyq aqparat departamentiniń ókili Vlastımıl Samek konferensııa qatysýshylarymen tikeleı baılanysqa shyǵyp, ózi pikirin bildirse, Syrtqy ister mınıstrliginiń Almatydaǵy О́kildiginiń Basshysy Rýslan Bóltirikov BUU májilisinde osynaý ǵalamdyq mańyzy bar qujat - «BUU Adam quqyqtary Jalpyǵa ortaq Deklarasııasynyń» mańyzdylyǵyna toqtaldy. Al UNAI Haby dırektory, professor Ǵ.J.Ybyraevanyń baıandamasyna Turaqty damý baǵdarlamasy maqsatyndaǵy Jalpyǵa ortaq Deklarasııa ıdeıalarynyń sabaqtastyǵy ózek boldy.
Ál-Farabı atyndaǵy QazUÝ geografııa jáne tabıǵatty paıdalaný fakýltetiniń dekany, g.ǵ.d., professor V.G. Salnıkov, IýNESKO, halyqaralyq jýrnalıstıka jáne qoǵamdyq medıa kafedrasynyń meńgerýshisi, fılol.ǵ.d., professor N.T. Shyńǵysova, Turaqty damý jónindegi IýNESKO kafedrasynyń meńgerýshisi T.Bazarbaeva «BUU Adam quqyqtary Jalpyǵa ortaq Deklarasııasynyń» qabyldanýyna qatysty ózekti pikirlerin ortaǵa saldy.
Elvıra Serikqyzy,
«Egemen Qazaqstan»
ALMATY