Búgin Qazaqstandaǵy Ulttyq dopıngke qarsy kúres ortalyǵynyń saıtynda ruqsat etilmegen-dári dármekti paıdalanǵan sportshylardyń jańartylǵan tizimi jarııalandy.
Basy daýǵa ilikkender qatary taǵy tórt jerlesmizben tolyqty. Olar – Ernur Qabataev (erkin kúres), Mahambet Rahmet (dzıýdo), Nurjan Gabbasov (sambo) jáne Oleg Grıdasov (para-paýerlıftıng).
Osy sportshylarǵa jeke-jeke toqtalatyn bolsaq, Ernur Qabataevtyń kadetter arasynda Azıı chempıony (2011), jastar arasyndaǵy Qazaqstan chempıony (2013), jastar arasyndaǵy álem birinshiliginiń kúmis júldegeri (2013), jastar arasyndaǵy Azııa birinshiliginiń qola júldegeri (2015), eresekter arasyndaǵy Qazaqstan chempıonatynyń úsh dúrkin júldegeri (2015-2017) degen dardaı ataqtary bar. Ol osyǵan deıin de dopıng qoldanǵany úshin bir jylǵa sporttan shetteteligen edi. Ernurdyń endigi shettetilý merzimi baqandaı tórt jyldy qurap otyr.
Samboshy Nurjan Gabbasov tórt jylǵa jáne dzıýdoshy Mahambet Rahmet eki jyldyq jazalaý merziminen ótetetin bolady. Bárinen para-paýerlıftıng sheberi Oleg Grıdasovtyń jazasy aýyr boldy. Ol segiz jylǵa úlken sporttan alystatyldy.
Ǵalym SÚLEIMEN,
«Egemen Qazaqstan»