Merekege oraı quttyqtaýlar

Nursultan Nazarbaevtyń atyna Qazaqstan Respýb­lı­ka­synyń Táýelsizdigi kúnine oraı shet memleketter men úkimetter basshylarynan quttyqtaý jedelhattary men hattar kelip túsýde.

Germanııa Federatıvtik Res­­pýblıkasynyń Prezıdenti Frank-Valter Shtaınmaıer Mem­leket basshysyn quttyq­tap, zor densaýlyq pen aman­dyq, al Qazaqstan halqyna – beı­­bit ómir men jarqyn bola­shaq tiledi.

«Uzaq jyldar boıy Qa­zaq­stan men Germanııany senimdi yntymaqtastyq baılanystyryp keledi. Sizderdiń elderińiz óńirde mańyzdy ról atqarady jáne Germanııanyń Ortalyq Azııadaǵy iri saýda seriktesi bolyp sanalady. Qazaqstannyń osy jyldyń basynda BUU-nyń Qaýipsizdik Keńesine tóraǵalyq etýi elderińizdiń halyqaralyq deńgeıde de ózine jaýapkershilik alýǵa daıyn ekenin taǵy da dáleldedi», delingen jedelhatta. Túrkııa Respýblıkasynyń Prezıdenti Rejep Taııp Er­do­ǵan joldaǵan hatynda Nursultan Nazarbaevtyń táýel­siz Qazaqstan tarıhyndaǵy rólin aıryqsha atap ótken.

«Biz Qazaqstannyń ege­men­dik alǵan sátten bastap halyqaralyq arenada qol jet­kizgen tabystaryna, sondaı-aq elderińizdiń damýy men órken­deýiniń nátıjelerine qýana­myz ári maqtan tutamyz. Bul je­tistikter Túrki áleminiń aqyl­many sanalatyn О́zińizdiń syndarly saıasatyńyzdyń nátıjesi ekeni sózsiz. Siz jahanda beı­bit­shilik pen turaqtylyq ornatý isine úles qosa beretinińizge, Qazaqstannyń halyqaralyq bedeli odan ári arta túsetinine senimdimin», – delingen Túrkııa Respýblıkasy Prezıdentiniń jedelhatynda.

Iran Islam Respýb­lı­ka­sy­nyń Prezıdenti Hasan Rýha­nı quttyqtaý hatynda mem­leketterimizdiń ıgiligi jolynda ekijaqty qarym-qatynastardy odan ári nyǵaıtýǵa nıetti ekenin bildirdi.

«Sizdi jáne Qazaqstan Respýb­lı­ka­synyń halqyn Táýelsizdiktiń 27 jyldyǵymen shyn júrekten qut­tyq­taımyn. Eki halyqtyń ıgiligi jolyn­daǵy ózara yntymaqtastyǵymyz te­reńdeı túsedi dep oılaımyn», de­lingen jedelhatta.

Belarýs Respýblıkasynyń Prezı­denti Aleksandr Lýkashenko Nursultan Nazarbaevty Táýelsizdik kúnimen qut­tyqtap, jaýapty memlekettik qyz­meti­ne jańa tabys, al Qazaqstan azamattaryna beıbit ómir men baqyt tiledi.

«Elderińiz ekonomıkada, áleýmettik jáne saıası turaqtylyqty qamtamasyz etý jolynda aıtarlyqtaı nátıjelerge qol jetkizdi. Qazaqstan Eýrazııa ke­ńis­tigindegi qaýipsizdikti nyǵaıtý, qaq­ty­ǵystardy sheshýdiń tıimdi tetikterin ázirlep, ony júzege asyrý isine zor úles qosyp keledi.

Belarýs pen Qazaqstan arasyn­daǵy ózara senim men tabysty yn­ty­maqtastyqqa negizdelgen strategııalyq qarym-qatynastar halyqtarymyzdyń ıgiligi jolynda odan ári belsendi damı beretinine senimdimin», delingen jedelhatta.

О́zbekstan Respýblıkasynyń Pre­zı­denti Shavkat Mırzııoev jeke óziniń jáne О́zbekstan halqynyń atynan Nursultan Nazarbaevty jáne barsha qazaqstandyqty Táýelsizdik kú­nimen quttyqtady.

«Qazaqstan zamanaýı, básekege qa­biletti ári qarqyndy damyp kele jatqan memleket retinde ekonomıkalyq, teh­nologııalyq, áleýmettik jáne máde­nı-gýmanıtarlyq salalardaǵy zor jetis­tikterimen álemdik qoǵamdastyqta laıyqty oryn alyp otyr.

Biz Sizdi halyqaralyq deńgeıde moıyndalǵan memleket qaıratkeri, isker ári talantty reformator, Qa­zaq­stan halqynyń kóshbasshysy retinde qurmetteımiz», delingen О́zbekstan Res­pýblıkasy Prezıdentiniń jedelha­tynda.

Tájikstan Respýblıkasynyń Pre­zıdenti Emomalı Rahmonnyń hatynda eki el arasyndaǵy kópjaqty strategııalyq ózara yqpaldastyqtyń qazirgi deńgeıine joǵary baǵa beriledi.

«Sizderdiń elderińizge jasaǵan resmı saparym barysynda qol qoıylǵan qujattar jáne olardy iske asyrý jó­nin­degi birlesken kúsh-jigerimiz elderi­miz ben halyqtarymyzdyń múdde­lerine saı keledi. Bul Tájikstan men Qa­zaq­stannyń ózara tıimdi yntymaqtas­tyǵyna tyń serpin beredi dep senemin», – delingen jedelhatta.

Qyrǵyz Respýblıkasynyń Pre­zı­denti Sooranbaı Jeenbekov jeke óziniń jáne Qyrǵyzstan halqynyń atynan Nursultan Nazarbaevty Táýelsizdik kúnimen quttyqtady.

«Táýelsizdik jyldary ishinde Qa­zaqstan Sizdiń basshylyǵyńyzben zor jetistikterge jetti. О́zińiz bastamashy bolǵan aýqymdy memlekettik refor­malar eldiń áleýmettik-ekonomı­kalyq ósimine, halyqtyń ál-aýqatyn art­tyrýǵa jáne Qazaqstannyń halyq­aralyq arenadaǵy bedelin nyǵaıtýǵa septigin tıgizdi», delingen jedelhat­ta.

Armenııa Respýblıkasynyń Pre­zıdenti Armen Sarkısıan óziniń hatynda eki memleket arasyndaǵy ózara tıimdi yntymaqtastyqty odan ári damytýdyń jáne nyǵaıtýdyń mańyzdylyǵyna toqtaldy.

«Biz birlese kúsh jumyldyrýdyń arqasynda elderimizdiń memleketaralyq is-qımylynyń tıimdiligin art­ty­rýǵa, saýda-ekonomıkalyq jáne má­de­nı-gýmanıtarlyq baılanystardy nyǵaıtýǵa, Armenııa men Qazaq­stan arasyndaǵy kópjaqty yntymaq­tas­tyqtyń áleýetin tolyq paıdalanýǵa jol ashamyz dep oılaımyn», delingen Armen Sarkısıannyń hatynda.

Birikken Arab Ámirlikteriniń Prezıdenti Halıfa ben Zaıd ál-Nahaıan, Birikken Arab Ámirlikteriniń Vıse-prezıdenti, Premer-mınıstri, Dýbaı ámirliginiń bıleýshisi sheıh Muhammed ben Rashıd ál-Maktým, Ábý-Dabıdiń taq murageri, Birikken Arab Ámirlikteri Qarýly kúshteriniń Joǵarǵy bas qolbasshysynyń orynbasary sheıh Muhammed ben Zaıd ál-Nahaıan ózderiniń jedelhattarynda Memleket basshysyn Táýelsizdik kúnimen quttyqtap, barsha Qazaqstan halqyna baq-bereke tiledi.

Koreıa Respýblıkasynyń Pre­zı­­denti Mýn Chje In Nursultan Nazarbaevty jáne Qazaqstan halqyn ult­tyq merekemen quttyqtady. Koreıa Respýblıkasynyń Prezıdenti ózi­niń jedelhatynda: «Qazan aıynda ót­ken ASEM sammıtinde elderimiz ara­syn­daǵy qatynastardy odan ári damy­týǵa múddelilik tanytqanymyzǵa qýanysh­tymyn», dep atap ótken.

Bahreın Koroli Hamad ben Isa ál-Halıfa óziniń quttyqtaý hatynda Nursultan Nazarbaevtyń dana bas­shylyǵymen Qazaqstannyń odan ári damı berýine nıettestik bildirip, ystyq yqylasyn jetkizedi.

Aljır Halyq Demokratııalyq Res­pýb­lıkasynyń Prezıdenti Ábdel Ázız Býteflıq óziniń hatynda Qazaqstan halqyna baq-bereke tilep, ósip-órkendeı berýine nıettestik bildirdi.

Mońǵolııa Prezıdenti Haltmaagıın Battýlga Nursultan Nazarbaevty Tá­ýel­sizdik kúnimen quttyqtaı otyryp, memleketaralyq baılanystardy keńeıtýge jáne ózara qarym-qaty­nastardy tereńdetýge múddelilik tanytty.

Qazaqstan Respýblıkasynyń Táýelsizdigi kúnine oraı óz quttyq­taýlaryn Mysyr Arab Respýblı­ka­sy­nyń Prezıdenti Ábdel Fattah As-Sısı, Sıngapýr Respýblıkasynyń Pre­zıdenti Halıma Iаkob, Úndistan Res­pýb­lıkasynyń Prezıdenti Ram Nath Kovınd, sondaı-aq Taıland Korol­diginiń Premer-mınıstri general Praıýt Chan-Ocha joldady.