Jańa nysan Atyraý-Astrahan tas jolynyń boıynda 4 ga aýmaqta ornalasqan, dep habarlaıdy Atyraý oblystyq О́ńirlik kommýnıkasııalar qyzmeti.
Mamandandyrylǵan HQKO ashylý saltanatyna Atyraý oblysynyń ákimi Nurlan Noǵaev qatysty.
- Búginde aımaqtaǵy barlyq salada sıfrlandyrý memlekettik baǵdarlamasy qarqyndy túrde júzege asýda. Endi avtokólik ıelerine memlekettik qyzmet sıfrly úlgide kórsetiledi, bul úrdis qyzmet kórsetý sapasy men jyldamdyǵyna oń yqpal eteri anyq, - dedi Nurlan Noǵaev nysannyń ashylý saltanatynda.
Aıta keteıik, mamandandyrylǵan HQKO-nyń qaıtadan ashylǵan ǵımaratynyń arqasynda atyraýlyqtar avtokólikterin tez arada tirkep, júrgizýshi kýáligi men memlekettik nómir belgilerin ala alady. Jańa nysanda júrgizýshi kýáligin alýǵa teorııalyq test pen praktıkalyq synaqtardy tapsyrýǵa bolady.
Atyraý oblysynyń ákimi mamandandyrylǵan ortalyqtyń jańa ǵımaratymen tanysyp, mekeme qyzmetkerlerimen áńgimelesti. Ortalyqta 32 qyzmetker halyqqa qyzmet kórsetedi.
- Mamandandyrylǵan HQKO syıymdylyǵy 800 adamǵa eseptelgen, jeńil avtokólikterge arnalǵan 200 oryndyq , júk kólikterine 20 oryndyq avtoturaq qarastyrylǵan, -deıdi «Azamattarǵa arnalǵan Úkimet» memlekettik korporasııasy kommersııalyq emes aksıonerlik qoǵamy Atyraý oblystyq bólimshesiniń basshysy Musa Haırollıev.
Jańa nysan Atyraý-Astrahan tas joly boıynda 4 ga aýmaqty alyp jatyr. Ortalyqty iske qosý arqyly Nursaıa yqsham aýdanyndaǵy polısııa bóliminiń jumysy jeńildeıdi, atalǵan polısııa bólimshesiniń aldyndaǵy jolda kólikterdiń kóptiginen únemi keptelis bolatyn.
Qyzmet túrlerin HQKO operatorlary men ákimshilik polısııa qyzmetkerleri kórsetedi, olardyń mindetteri naqty bólinedi. Ortalyq operatorlary qajetti qujattardy qabyldaıdy, al
Ákimshilik polısııa qyzmetkerleri júrgizýshi kýáligin jáne tehnıkalyq kýálikterdi daıyndaıdy. Osylaısha, azamattar men qujattar daıyndaýǵa jaýapty qyzmetker arasynda tikeleı baılanys joıylady