Jańa nysan Táýelsizdik merekesi qarsańynda paıdalanýǵa berildi, dep habarlaıdy Atyraý oblysynyń О́ńirlik kommýnıkasııalar qyzmeti.
«KMG Automation» - “QazMunaıGaz” UK AQ jáne energııany basqarý men ónerkásiptik avtomattandyrý salasyndaǵy iri álemdik kóshbasshylardyń biri «Schneider Electric» kompanııasy birigip qurǵan kásiporyn. Kásiporynda shyǵarylatyn qysym qurylǵylary ár túrli óndiristik jáne klımattyq jaǵdaılarda kez-kelgen ortanyń qysym deńgeıin anyqtap, ólsheýge múmkindik beredi.
Nysannyń saltanatty ashylý rásimine Atyraý oblysynyń ákimi, jetekshi qazaqstandyq jáne halyqaralyq kompanııalar men uıymdardyń basshylary men ókilderi jáne jergilikti kásipkerler qatysty.
- Elbasymyz Úkimetke, ortalyq jergilikti atqarýshy organdarǵa, ulttyq kompanııa basshylaryna ónimdi shıkizat retinde paıdalanyp qoımaı, ony tereń óńdep, qosymsha quny joǵary ónim shyǵarýǵa tapsyrma bergen bolatyn. Osy tapsyrmany oryndaý barysynda oblysymyzda polıetılen shyǵaratyn mekeme ashyldy, polıpropılen shyǵaratyn mekeme qurylysy júrýde. Bul ister jalǵasyn tabady. О́lsheý quraldaryn shyǵarý kásipornynyń ashylýy da qajettiliktiń bar ekenin kórsetedi. О́nim sapasy men ónimdilikti arttyrý jónindegi máseleler baqylaýda bolady. Mamandardyń biliktiligi men tájirıbesi joǵary bolǵandyqtan álemdik standarttarǵa saı ónim shyǵatynyna senim mol,- deıdi oblys ákimi Nurlan Noǵaev.
Aıta keteıik, zaýyt birinshi kezeńde tetikterdi seriktester usynatyn quramdas bólikterden qurastyrady, bul qazaqstandyq úlesti 60% -ǵa deıin arttyrady. О́ndiris 1 kezeńde boljamdy túrde 2000 birlikke deıin ónim óndiredi.