Halyqaralyq Túrki akademııasy (TWESCO) Táýelsizdik kúnine arnalǵan saltanatty qabyldaý ótkizdi. Jıyn aıasynda Majarastannyń Halyqaralyq Túrki akademııasyna baqylaýshy mártebesin alýyna baılanysty memlekettik týy tabys etildi.
Saltanatty sharaǵa Syrtqy ister mınıstriniń orynbasary Erjan Ashyqbaev, Ázerbaıjan Respýblıkasynyń elshisi Rashad Mammadov, Majarstannyń Qazaqstandaǵy Tótenshe jáne ókiletti elshisi Andrash Baranı, Mońǵolııanyń elshisi Lývsan Battýlga, Túrkııanyń Qazaqstandaǵy Tótenshe jáne ókiletti elshisi Nevzat Ýıanyk, О́zbekstan Respýblıkasynyń elshisi Saıdıkram Nııazhodjaev, Túrkmenstannyń áskerı attashesi Anymýrad Iаgmyrov, túrkologtar men qoǵam qaıratkerleri qatysty.
Jıynda sóz alǵan Syrtqy ister mınıstriniń orynbasary Erjan Ashyqbaev Elbasynyń bastamasymen qurylǵan Halyqaralyq Túrki akademııasynyń túrki halyqtarynyń tarıhy men mádenıetin zertteý salasyndaǵy aıtýly jetistikteri halyqaralyq deńgeıde tanymal ǵylymı-ıntellektýaldy ortalyqqa aınaldyrǵanyn aıtyp ótti.
– Akademııa kóne dáýirden búginge deıin túrki áleminiń tarıhy, tili men ádebıetin, mádenıetin zerttep, túrki memleketteriniń álemdik órkenıettegi ornyn tóltýma derekter negizinde asha otyryp, jalpy túrki álemine qatysty ǵylymı zertteýlerdi úılestire bilgen biregeı ortalyqqa aınalýda. Akadamııanyń qolǵa alǵan jumysy óz qundylyǵyn tek ǵylymı turǵyda ǵana rastap qoımaı, túrki elderiniń ıntegrasııasy men ózara yqpaldastyǵyna zor úles qosyp otyrǵanyn aıta ketý kerek», dedi Erjan Ashyqbaev. Vıse-mınıstr akademııa ázirlegen «Ortaq túrki tarıhy» oqýlyǵyna, «Ortaq túrki geografııasy» jáne «Ortaq túrki ádebıeti» oqýlyqtarynyń ázirlený barysyna, «Túrkibarometr» áleýmettanýlyq zertteýlerine jáne «Atalar mırasy» mýltımedıalyq qoryna joǵary baǵa berdi. Sonymen qatar, Túrki akademııasynyń «Túrki ıntegrasııasynyń tujyrymdamasyn» ázirlegenin de aıyryqsha atap ótip, Majarastandy Túrki keńesi men Túrki akademııasyna baqylaýshy mártebesin alǵanymen quttyqtap, ózara yntymaqtastyqtyń nyǵaıýyna tilektestigin bildirdi.
Akademııa prezıdenti Darhan Qydyráli TWESCO-ǵa quryltaıshy memleketterdiń Ulttyq kúnderin ótkizý uıymda turaqty dástúrge aınalǵanyn, búgingi sharanyń Qazaqstan Respýblıkasynyń Táýelsizdik kúni meıramyna arnalyp otyrǵanyn aıtty. TWESCO basshysy Qazaqstannyń syrtqy saıasattaǵy jetistikteri men túrki ıntegrasııasyndaǵy tolaǵaı tabystardyń Táýelsizdiktiń jemisi ekenin toqtaldy.
– Túrki keńesiniń Sholpan-atada ótken sammıtinde Majarstan akademııaǵa baqylaýshy mártebesin alǵan bolatyn. Búgin Akademııa qabyrǵasynda Majarstannyń týyn kóterdik. Búgingi jıynǵa mártebeli Elshileri qatysqan О́zbekstan men Mońǵolııanyń baıraqtary da Akademııaǵa qoıylatyn kúnder alys bolmas degen úmittemiz,-degen akademııa basshysy uıymǵa Majarstannyń baqylaýshy mártebesin alýy uıymnyń halyqaralyq sahnada tanyla túskendiginiń belgisi ekendigin aıtty. О́z kezeginde Qazaqstandaǵy Majarstan elshisi Andrash Baranı Majarstannyń túrki álemi elderimen dostyq baılanystaryn únemi joǵary baǵalaıtynyn jetkizdi.
– Osy mańyzy zor oqıǵalardyń dál meniń Majarstan elshisi retinde qyzmet atqaryp júrgen ýaqytqa tuspa-tus kelgenine óte qýanyshtymyn. Halyqaralyq Túrki akademııasynyń shtab-páteri Astanada ornalasýy sebepti Majarstan men Qazaqstan arasyndaǵy qarym-qatynastardyń jandana túskenin aıta keteıin. Budan eki baýyrlas halyqtyń ortaq tarıhı tamyrlastyǵyn ańǵarýǵa bolady. Qazaqstan Respýblıkasyn táýelsizdik merekesimen quttyqtaımyz,-degen Majarstan elshisi túrkitildes memlekettermen týystyǵyn aıqyndaıtyn sımvoly retinde Majarstannyń memlekettik baıraǵyn Túrki akademııasynń shtab-páterine tabystady.
Jıyn barysynda Halyqaralyq Túrki akademııasy túrki ıntegrasııasy men baýyrlas elderdiń aqparattyq saladaǵy yntymaqtastyǵyna úles qosyp júrgen mass-medıa ókilderi arnaıy Alǵys hatpen marapattaldy.
Aıa О́MIRTAI,
«Egemen Qazaqstan»