Elimizdiń basty merekesi - Táýelsizdik toıyn Túrkistan oblysynyń jurtshylyǵy asqan qýanyshpen atap ótýde. Merekege oraı oblys ortalyǵy Túrkistan qalasynda jańa saıabaq el ıgiline tapsyryldy. Qalanyń Kentaý baǵytynan kire berisinen 14 gektar jerge ornalasqan «Parasat» saıabaǵynyń qurylysy 2018 jyldyń tamyz aıynda bastalyp, jeltoqsan aıynda paıdalanýǵa berilip otyr.
Saıabaqtyń ashylý saltanatynda oblys ákimi Janseıit Túımebaev Túrkistannyń oblys ortalyǵy retinde kúnnen kúnge kórkeıip, abattanyp kele jatqanyn atap ótti. Saıabaq arhıtektýralyq qurylysy jaǵynan sońǵy úlgide jasaqtalǵan. Onda demalýshylarǵa qolaıly jaǵdaı týǵyzatyn jaryq baǵanalary men arkalar, smart oryndyqtar, sýburqaqtar men trenajerlik aspaptar, tennıs, fýtbol, basketbol alańshalary men velojoldar jáne konsert alańy ornatylǵan.
Sondaı-aq Táýelsizdik kúni Ordabasy aýdany turǵyndary úshin áleýmettik nysandardyń ashylýymen este qalmaq. Olaı deıtinimiz, Ordabasy aýdanynyń Shubarsý aýylynda «MEDICAL CENTER SHUBARSU» medısına ortalyǵy ashyldy. Jalpy sany 115 stansıonarlyq tósek orny bar medısına ortalyǵynda terapııa, balalar bólimi, hırýrgııa jáne jaraqat bólimi, fızoterapııa jáne ońaltý bólimi, kúndizgi bólim, stasıonar, zerthana jáne dıagnostıka bólimi, jedel járdem stansasy qyzmet kórsetedi. AQSh, Ońtistik Koreıa, Vengrııa, Iаponııa, Germanııa syndy sheteldik jáne otandyq zamanýı medısınalyq quraldarmen jabdyqtalǵan nysanda 145 adam jumyspen qamtylǵan. Sonymen qatar bul kúni aýdan ortalyǵy - Temirlanda «Jastar saraıy» ashyldy. Búginde 20 shaqty jas mamandy jumyspen qamtyǵan ǵımaratta aýdan jastary túrli úıirmelerge qatysyp, bos ýaqytyn tıimdi paıdalanatyn bolady. "Barshańyzǵa belgili, keler 2019 jyldy Elbasy "Jastar jyly" dep jarııalady. Iаǵnı, keleshegi kemel jastarymyzǵa memleket tarapynan barlyq jaǵdaı jasalýda. Búgingi ortalyq ózderińizge amanat. Táýelsiz elimizdiń máńgilik el bolýǵa umtylǵan úmitin jalǵaıtyn, sol armanǵa jetkizetin de ózderińiz. Maqsat-murattarymyzdyń júzege asýynda búgingi jastar saraıynyń sizderge tıgizer paıdasy mol dep bilem", - dedi J.Túımebaev ashylý saltanatynda jastarǵa arnaǵan sózinde.
Ǵalymjan ELShIBAI,
«Egemen Qazaqstan»
Túrkistan oblysy