Qazaqstan Respýblıkasy Mádenıet jáne sport mınıstrliginiń uıymdastyrýymen «Qazaqconcert» memlekettik konserttik uıymy Gınnestiń rekordtar kitabyna engen álemge áıgili «Notre Dame de Paris» mıýzıklin qazaq tilinde usynady. Ataqty fransýzdyq-kanadalyq mıýzıkldiń premerasy 2018 jylǵy 18-24 jeltoqsan kúnderi aralyǵynda Beıbitshilik jáne kelisim saraıynda ótedi.
«Rýhanı jańǵyrý» baǵdarlamasy men Elordanyń 20 jyldyq mereıtoıy aıasynda táýelsiz Qazaqstannyń mádenı tarıhynda tuńǵysh ret álemge áıgili «Notre Dame de Paris» mıýzıkliniń qazaq tilinde sahnalanýy elimiz úshin úlken mártebe.
Álemdik mádenıettiń jaýharyna aınalǵan «Notre Dame de Paris» mıýzıkli – Gınnestiń rekordtar kitabyna engen ozyq týyndy. Dúnıejúzi boıynsha 11 mıllıonnan astam kórermen tamashalap úlgergen úzdik shedevr álemniń toǵyz tiline aýdarylǵan. «Rýhanı jańǵyrý» baǵdarlamasy aıasynda Qazaqstan ataqty mıýzıkldi óziniń memlekettik tiline aýdarǵan onynshy el bolyp otyr. Endi, HH ǵasyrdyń úzdik ánderi atanǵan «Belle», «Danse mon esmeralda», «Le Temps des Cathedrales» óleńderi qazaq tilinde oryndalady.