Merekege oraı quttyqtaýlar

Nursultan Nazarbaevtyń atyna Qazaqstan Respýblıkasy­nyń Táýelsizdik kúnine oraı shet memleketter men úkimetter basshylarynan quttyqtaý jedelhattary men hattar kelip túsýde.

Reseı Federasııasynyń Pre­zıdenti Vladımır Pýtın Qazaqstannyń ekonomıkalyq, áleý­mettik jáne ǵylymı-teh­nıkalyq damýdyń ózekti má­se­le­lerin sheshý jolynda aıtar­lyqtaı tabysqa jetkenin atap ótip, elimizdiń BUU Qaýipsizdik Keńesiniń turaqty emes múshesi retinde jáne Astana prosesi aıasynda óńirlik jáne halyqara­lyq kún tártibiniń máselelerin sheshý barysynda mańyzdy ról atqa­ra­tynyna toqtaldy.

«Memleketterimiz ara­syn­daǵy strategııalyq serik­tes­tik pen odaqtastyq qarym-qatynastardy joǵary baǵa­laı­myz. Biz birlese kúsh jumyl­dyr­a otyryp, barlyq sala­la­r­­­daǵy ekijaqty syndarly yn­ty­maqtastyqty jáne Eýra­zııalyq ıntegrasııalyq úde­rister aıasyndaǵy ózara yq­pal­dastyqty odan ári nyǵaı­taty­nymyzǵa senimdimin.

Qurmetti Nursultan Ábishuly! Sizge shyn júrekten myqty densaýlyq pen tabys, al dostas Qazaqstan halqyna aman­dyq pen baq-bereke tileımin», – delingen Reseı Prezıdentiniń quttyqtaý jedelhatynda.

Qytaı Halyq Respýblıka­synyń Tóraǵasy Sı Szın­pın jeke óziniń jáne Qytaı hal­qy­nyń atynan Memleket basshy­syn jáne barsha qazaqstan­dyq­­tar­­­dy Táýelsizdiktiń 27 jyldyǵy­men quttyqtady. Sı Szınpın Nurs­ultan Nazarbaevtyń basshy­lyq etýimen Qazaqstannyń qol jetkiz­gen áleýmettik-ekono­mıka­lyq da­mý nátı­jelerin erekshe atap ótti.

«Men Qazaqstan men Qytaı qarym-qatynastarynyń damýyna basa mán berip, Siz­ben jumys babyndaǵy baılanysymyzdy jáne jeke dostyǵy­myz­dy joǵary baǵalaımyn. Bıyl­ǵy maýsym aıynda Siz Qytaı­­ǵa memlekettik sapar­men kelip, Shanhaı ynty­maq­tastyq uıymynyń Sındao­daǵy sammıtine qatystyńyz. Biz jemisti kezdesý ótkizip, birqatar mańyz­dy ýaǵdalastyqtarǵa qol jet­kizdik. Bul ekijaqty qatynas­tar­dyń damýyna tyń serpin berdi.

Men Sizben birlese otyryp, memleketterimiz ben halyq­tary­myzdyń ıgiligi jolynda jańa belesterdi baǵyndyrýǵa jáne eki el arasyndaǵy jan-jaq­ty stra­te­gııalyq seriktestik baı­lanys­tar­dy ilgeriletýge ázirmin. Siz­ben «Bir beldeý, bil jol» halyq­a­ra­lyq yntymaq­tasty­ǵy­nyń joǵary deńgeıdegi ekinshi forýmy barysynda júzdesemiz dep oılaımyn.

Dostas Qazaqstannyń ósip-órkendeı berýine nıettestik bildi­remin, al halqyna baq-bereke tileımin», – dep atap ótken Sı Szınpın.

Polsha Respýblıkasynyń Prezıdenti Andjeı Dýda Qazaq­stannyń kóp jyldardan beri Polshanyń Ortalyq Azııadaǵy negizgi seriktesi sanalatynyn jáne oǵan túrli deńgeıdegi tyǵyz qarym-qatynastarymyz dálel ekenin aıtady.

«Búginde Qazaqstan ulty polıak kóptegen adamnyń týǵan jeri sanalady. Osy múmkindikti paıdalana otyryp, Qazaqstan aýmaǵynda polıak mádenıetiniń damýyna jaǵdaı týǵyzǵanyńyz úshin alǵys bildiremin», – dep atap ótken Polsha Prezıdenti.

Ázerbaıjan Respýblıkasy­nyń Prezıdenti Ilham Álıev jeke óziniń jáne barsha Ázer­baı­jan halqynyń atynan Nursul­tan Nazarbaevty jáne búkil qazaq­­standyqtardy Táýel­sizdik kúni­men quttyqtap, eli­mizdiń jan-jaq­ty jáne ornyq­ty damý jolymen júrip, mem­lekettilikti jáne ekonomıkany nyǵaıtý jolynda, sondaı-aq halyqtyń ál-aýqatyn arttyrý isinde zor tabysqa jetkenine toqtaldy.

«Elderińiz halyqaralyq jáne óńirlik uıymdarda mańyzdy ról atqarady jáne joǵary bedel­ge ıe. О́zara senim men qoldaý­ǵa ne­giz­delgen Ázerbaıjan men Qazaq­stan arasyndaǵy dos­­tyq ári stra­tegııalyq áriptes­tik qarym-qatynastar ortaq tarıhy, ulttyq jáne moral­dyq qundylyqtary bar halyq­tary­myzdyń ıgiligi jolynda damıtynyna senimdimin», – delingen hatta.

Belgııa Koroli Fılıpp óziniń qut­tyqtaý jedelhatynda eki mem­leket arasynda qalyptasqan dostyq qarym-qatynastar men yn­tymaqtastyqtyń mańyz­dy­lyǵyn atap ótken.

Aýstrııa Respýblıkasynyń Federaldyq Prezıdenti Alek­sandr Van der Bellen Qazaqstan Prezıdentin ulttyq mereke­men quttyqtap, ózara ekonomı­ka­lyq jáne energetıkalyq yn­ty­­maq­­tas­tyqty odan ári qar­qyn­dy damytýǵa nıetti ekenin jetkizdi.

Armenııa Premer-Mınıstri­niń mindetin atqarýshy Nı­kol Pashınıan óziniń hatynda Qazaq­stannyń memleket qurý isin­degi, ekonomıkany jańǵyr­týda­ǵy jáne halyqaralyq bedelin nyǵaıtýdaǵy dara jolyna nazar aýdardy.

Ýkraına Prezıdenti Petr Po­ro­shenko quttyqtaý jedel­hatyn­da Qazaqstannyń táýel­sizdik jyldarynda osy zaman­nyń saıası, ekonomıkalyq syn-tegeý­rin­derine tótep berip, óńirdegi kóshbas­shylardyń birine aınal­ǵanyn atap ótken.

Vengrııa Prezıdenti Iаnosh Ader Nursultan Nazarbaev­ty Táýel­sizdik kúnimen quttyq­­tap, Vengrııa men Qazaq­stan ara­syn­daǵy qarym-qatynas­tardyń ortaq salt-dástúrimiz ben tarıhı baı­lanys­tarymyz turǵysynan ma­ńyz­dylyǵyn atap ótip, eki el halyq­tarynyń dostyǵyn odan ári nyǵaıtýdyń jáne mádenı baı­lanystar aıasyn keńeıtýdiń qajettigine toqtaldy.

Sonymen qatar ózderiniń jedelhattarynda Ispanııa Koroli VI Felıpe, Nıderland Koroli Vıllem-Aleksandr, Taıland Koroli Maha Vachıralong­korn, Ita­lııa Respýblıkasynyń Pre­zı­denti Serdjo Mattarella, Latvııa Respýblıkasynyń Prezı­denti Raımonds Veıonıs, Lıtva Respýblıkasynyń Prezıdenti Dalı Grıbaýskaıte, Fınlıandııa Res­pýb­lıkasynyń Prezıdenti Saýlı Nıınıstıo, Ońtústik Af­rıka Respýblıkasynyń Pre­zı­denti Matamela Sırıl Rama­foza Qazaqstan halqyna beı­bit ómir jáne baq-bereke tilegen.

Sonymen qatar, Serbııa Res­pýb­lıkasynyń Prezıdenti Aleksandr Výchıch Nursultan Nazarbaevtyń Qazaqstandy damytý barysynda qol jetkizgen jetistikterin atap ótti.

«Sizdiń dana basshylyǵy­ńyzdyń, kóregendigi­ńiz­diń, kúsh-qýa­tyńyzdyń ári iske adal­dy­ǵyńyzdyń arqasynda Qazaqstan shırek ǵasyrdan as­tam ýaqyt boıy tabysty damyp, úlken jetistikterge jetip, álemde zor bedelge ıe boldy. Siz «Qazaqstan-2050» Strategııa­syn­da belgilengen maqsat-min­det­terge qol jetkizesiz dep sene­min», – delingen jedelhatta.

Moldova Respýblıkasynyń Pre­zı­denti Igor Dodon jol­da­ǵan hatynda: «Moldova halqy­nyń jáne jeke ózimniń atymnan ulttyq merekelerińiz – Táýelsizdik kúnimen shyn júrek­ten quttyqtaımyn. Osy jyldar ishinde tabıǵı resýrstary men adamı áleýeti mol Qazaqstan ulttyq ekonomıka men áleýmettik salanyń túrli baǵyttarynda zor tabysqa qol jetkize aldy. Bul qazaqstandyqtardyń ál-aýqatyn arttyryp qana qoımaı, el­deri­ńizdiń ımıdjin halyqaralyq deńgeıde ilgeriletýge septigin tıgizedi», – dep atap ótken.

Shveısarııa Konfedera­sııa­synyń Prezıdenti Alen Berse óziniń quttyqtaý jedelhatynda Qazaqstan halqyna baq-bereke men amandyq tilep, eki el arasyndaǵy senimge negiz­del­­gen ári dostyq qarym-qaty­nas­­tardy odan ári damytýǵa nıettes­tik bildiredi.

Sonymen qatar ózderiniń jedelhattarynda Iordanııa Koroli II Abdalla, Shvesııa Koroli Karl Gýstav, Oman Sultany Kabýs ben Saıd, Vetnam Sosıalıs­tik Respýblıkasynyń Prezıdenti Ngýen Fý Chong, Malaızııa Joǵar­ǵy bıleýshisiniń orynbasary Sultan Nazrın Mýızzýddın Shah Qazaqstan halqyna beıbit ómir jáne baq-bereke tileıdi.